Palicyja biaśpieki zatrymała žychara Łatvii, jaki ŭ sakaviku minułaha hoda arhanizavaŭ zbor hałasoŭ na sajcie avaaz.org pra ŭklučeńnie Łatvii ŭ skład Rasijskaj Fiederacyi.
Supracoŭniki śpiecsłužby ŭstalavali jaho asobu, a zatym praviali piać pieratrusaŭ, kanfiskavaŭšy kampjutarnuju techniku i nośbity dadzienych.
U dačynieńni da niełajalnaha žychara byŭ pačaty kryminalny praces pa punkcie 1 artykuła 82 Kryminalnaha zakona Łatvii (Publičny zaklik da padryvu terytaryjalnaj cełasnaści Łatvijskaj Respubliki).
U chodzie rasśledavańnia vyśvietliłasia, što zatrymany mieŭ dačynieńnie i da inšych pravakacyj u internecie, jakija atrymali za apošni čas šyroki rezanans u łatvijskim hramadstvie. Jakim mienavita — nie ŭdakładniajecca.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?8
Kamientary