Dysident Bukoŭski: Nichto, akramia pucinskaha režymu, nie zdolny na rasstreł pobač z Kramlom

Rasijski piśmieńnik i dysident Uładzimir Bukoŭski ličyć, što zabity ŭ Maskvie palityk Barys Niamcoŭ byŭ apošnim sapraŭdnym lideram rasijskaj apazicyi, jaki sapraŭdy pracavaŭ suprać režymu Pucina.

Rasijski piśmieńnik i dysident Uładzimir Bukoŭski ličyć, što zabojstva Barysa Niamcova ździejśnili tyja, chto zusim nie bajaŭsia pakarańnia, bo heta adbyłosia ŭ centry Maskvy pad prycełami kamier. Pra heta Bukoŭski raspavioŭ u kamientary vydańniu «Hardon».

«Kreml vyrašyŭ prybrać Barysa Niamcova napiaredadni antyvajennaha, antykryzisnaha maršu «Viasna», jaki płanavałasia pravieści 1 sakavika ŭ Maskvie. Nichto, akramia pucinskaha režymu, nie zdolny na rasstreł pobač z Kramlom, tamu što heta samaje niebiaśpiečnaje miesca dla złačynstva. Tam poŭna kamier videanazirańnia, poŭna śpiecsłužbisckich štykoŭ. Heta značyć, zabili Barysa tyja, chto naohuł nie bajaŭsia pakarańnia», - ličyć Bukoŭski.

«Meta adna: źniščyć apošniaha sapraŭdnaha lidara rasijskaj apazicyi, jaki sapraŭdy pracavaŭ suprać režymu. Kreml žudasna bajaŭsia maršu 1 sakavika, adnym z arhanizataraŭ jakoha byŭ Niamcoŭ. Za niekalki hadzin da zabojstva Barys daŭ intervju radyjostancyi «Echo Moskvy», dzie vykazaŭ ździŭleńnie, jak niervova ŭłada reahuje na padrychtoŭku da maršu. Režym zahnaŭ marš na samuju ŭskrainu Maskvy, u rajon Marjina, a ŭsio adno bajaŭsia. Niamcoŭ kazaŭ: «Ja dziŭlusia: ułada litaralna trasiecca ŭ isterycy ad našaha mierapryjemstva», - adznačyŭ piśmieńnik.

«Nie sumniajusia, što zaraz pačnuć aktyŭna raspaŭsiudžvać takuju viersiju: maŭlaŭ, zabojstva śpiecyjalna spravakavali, kab padstavić Pucina. Hetuju teoryju budzie ŭkaraniać u śviadomaść rasiejcaŭ KDB, ciapierašniaje FSB. Dla hetaha ŭ ich jość admysłovy adździeł pa dezinfarmacyi — upraŭleńnie «A». Heta vielizarnaja ŭstanova, jakaja prafiesijna zajmajecca stvareńniem i raspaŭsiudam iłžyvaj infarmacyi. Kali FSB ździajśniaje zabojstva, upraŭleńnie «A» pravodzić tak zvanuju apieracyju «Prykryćcio»: zapaŭniajuć ŚMI samymi cyničnymi, durackimi i chłuślivymi viersijami. Tak było i z zabojstvam Alaksandra Litvinienki ŭ 2006 hodzie. Što tolki hebešniki ni prydumali! Maŭlaŭ, były rasijski śpiecsłužbistam, jaki ŭciok na Zachad, sam siabie atruciŭ, kab nasalić Pucinu, ledź nie sam kulnuŭ čarku pałonija-210, kab naškodzić Kramlu «, - ličyć Bukoŭski.

• 0
• 0
• 0
• 0
• 0
• 0
• 0
• 0