Nijakich ilhot dla niadbajnych haspadarnikaŭ być nie pavinna. Heta adznačyŭ Alaksandr Łukašenka 9 sakavika ŭ čas dakłada ab prajekcie ŭkaza pa pytańniach udaskanaleńnia dziejnaści ŭ śfiery lasnoj haspadarki.
Z ulikam taho, što ŭ prajekcie ŭkaza praduhledžvajucca źmianieńni dziejučaha paradku pa realizacyi draŭniny arhanizacyjam kancerna «Biellespapierapram», Alaksandr Łukašenka ŭdakładniŭ, u čym kankretna zaklučajucca hetyja źmianieńni i jak heta paŭpłyvaje na rabotu kancerna, inšych drevapierapracoŭščykaŭ.
«Ci nie atrymajecca tak, što my ŭviadziom jakuju-niebudź dadatkovuju lhotu? U toj ža čas, jak mnie dakładvajuć, na 1 sakavika praterminavanaja zapazyčanaść pradpryjemstvaŭ kancerna za draŭninu ŭ narychtavanym vyhladzie składaje Br58 młrd, plus jašče Br9 młrd - heta daŭhi za draŭninu, adpuščanuju na pni. Čamu heta dapuskajecca?» - spytaŭ kiraŭnik dziaržavy. Jon zapatrabavaŭ: «Nijakich ilhot dla niadbajnych haspadarnikaŭ być nie pavinna».
Prezident ličyć, što ciapier jak u sielskaj haspadarcy, tak i ŭ lasnoj pramysłovaści ništo nie pieraškadžaje davać vysokija tempy i pryrost. «Usio ŭ nas dla hetaha jość. I sielskaja, i lasnaja haspadarka ŭ dastatkovaj kolkaści zabiaśpiečany samaj sučasnaj nieabchodnaj technikaj, - skazaŭ kiraŭnik dziaržavy. - Samaja vialikaja prablema była enierhanośbity. Dyk jany ciapier u dva razy tańniejšyja, i možna sabiekošt skaračać, jakaść - pavyšać».
«Paradku i dyscypliny nie chapaje, nu što ž, heta my vypravim, i vielmi chutka. Tamu davajcie vynik», - padkreśliŭ Alaksandr Łukašenka.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni4
Kamientary