«Jašče adna mafija». Jak bresckija taksisty zarablajuć na čerhach na biełaruska-polskaj miažy
Cimafiej zvyčajna pierasiakaje miažu z Polščaj na mašynie, ale hetym razam jamu pryjšłosia jechać aŭtobusam praz Brest. Užo na miažy da jaho padyšoŭ taksist i prapanavaŭ davieźci ŭ pačatak čarhi — z harantyjaj, što tam jaho pasadziać u pieršy aŭtobus. Biełarus raskazaŭ vydańniu Most, u kolki jamu abyšłasia takaja mahčymaść, a žurnalisty sabrali, što jašče viadoma pra taki pryhraničny biznes.
«U hetuju sumu ŭvachodzić usio: i taksi, i aŭtobus»
Kali Cimafiej pryjechaŭ na miažu, pierad im było 18 aŭtobusaŭ — va ŭsiakim razie, takuju infarmacyju vydavaŭ sajt Pamiežnaha kamiteta. Vopytu padobnych pajezdak u mužčyny nie było, i pra płatnyja pierasadki ŭ aŭtobusy, što stajać napieradzie, jon ničoha nie viedaŭ.
Na miažy da Cimafieja padyšoŭ taksist i prapanavaŭ za 50 jeŭra padvieźci jaho ŭ pačatak čarhi, dzie toj harantavana zmoža sieści ŭ pieršy aŭtobus.
«Ja spačatku padumaŭ, što pavinien zapłacić 50 jeŭra tolki taksistu, a potym jašče asobna dapłačvać za miesca ŭ aŭtobusie. Ale kiroŭca mnie patłumačyŭ, što ŭ hetuju sumu ŭvachodzić usio: i taksi, i aŭtobus. Nu, pačaŭ kazać jašče, što prapanoŭ takich bolš nie znojdzieš, ryzykavać nichto ź inšych kiroŭcaŭ nie budzie i h. d.»
Cimafiej pahadziŭsia. Kaža, čakać šmat hadzin u čarzie jamu nie chaciełasia. Pry hetym samomu taksistu jon ničoha nie płaciŭ — hrošy ŭziaŭ kiroŭca polskaha aŭtobusa. Cimafiej miarkuje, što taksist potym atrymaŭ svaju dolu ad pieravozčyka, adnak dokazaŭ hetaha ŭ mužčyny niama.
«Košt — 10 rubloŭ, zazyvały prasili 25»
Historyja Cimafieja nie adzinkavaja. Most vyvučyŭ profilny čat i vyśviatliŭ: tam karystalniki taksama pišuć pra padobnyja vypadki.
Taksisty prapanujuć niekalki varyjantaŭ padvozić pasažyraŭ da pačatku čarhi. Adzin ź ich — aficyjny: turysty ŭ Breście vyklikajuć mašynu praz dadatak, a pajezdka apłačvajecca pa taryfie.
«Taksi da miažy — 9 rubloŭ, davieźli da pieršaha aŭtobusa. Na vakzale šmat bambił, kažuć, što tolki jany mohuć davieźci da pieršaha aŭtobusa i damovicca pra padsadku», — dzielicca infarmacyjaj karystalnik pad nikam Sasha (tut i dalej paviedamleńni adkarektavanyja dla zručnaści čytańnia).
Karystalnica Volha Čarnavoł pierasiakała miažu naprykancy žniŭnia. Jana zahadzia zahruziła dadatak taksi i abrała apłatu najaŭnymi. Biełaruskaj SIM-karty ŭ žančyny nie było, tamu ŭźnikli prablemy ź internetam. Na vakzale jana paprasiła padklučycca da internetu ŭ ludziej, jakija čakali svaje mašyny, i vyklikała taksi da punkta propusku.
«Košt — 10 biełaruskich rubloŭ. Zazyvały prasili 25. Na šłahbaumie była ŭ 8.10 i paprasiłasia ŭ druhi aŭtobus da Varšavy. Zajechali ŭ 9.30», — raskazała pra svoj vopyt karystalnica.
«Bambiłami» abo «zazyvałami» biełarusy nazyvajuć taksistaŭ, jakija pracujuć nie praz dadatki. Turysty raskazvajuć, što znajści ich niama ciažkaściaŭ. Jak praviła, jany sami padpilnoŭvajuć pasažyraŭ kala ŭvachodu na vakzał.
«Kali pryjedziecie, vychodzicie praz hałoŭny ŭvachod na vakzale — tam užo stajać taksisty, čakajuć tych, chto prybyvaje, i viazuć da šłahbauma», — apisvaje situacyju adzin z karystalnikaŭ.
Uładzimir, miarujučy pa košcie pajezdki, skarystaŭsia z pasłuh mienavita takich taksistaŭ.
«Z čyhunačnaha vakzała na taksi — 25 rubloŭ — da pieršaha aŭtobusa padvieźli. Padsieŭ u druhi da Varšavy, cana 50 dalaraŭ».
Ale ŭ čatach sustrakajucca i historyi pra značna bolš vysokija ceny. Alena Volkova piša, što ŭ hetyja vychadnyja taryf byŭ asabliva vysokim.
«Zaraz u aŭtobus Minsk — Praha sieli na vakzale pasažyry z Bresta, viedajučy, što napieradzie bolš za 30 aŭtobusaŭ. Skazali, što dastaŭka i padsadka ŭ pačatak čarhi — 150 jeŭra».
«Jany ŭ adnoj łodcy»
Jość u čacie i historyi pra toje, jak taksisty padvozili pasažyraŭ da pieršaha aŭtobusa zusim biaspłatna — jak u vypadku ź Cimafiejem.
«Nie płacili ničoha. Mabyć, u taksi z polskim pieravozčykam damoŭlenaść jość», — razvažaje karystalnik pad nikam Dzmitry.
«U pačatak čarhi z kanca vazili taksisty. Hrošaj nie brali. Jany ŭ adnoj łodcy», — paćviardžaje jaho viersiju inšy karystalnik.
Pasažyry źviartajuć uvahu i na toje, što adny i tyja ž mašyny mohuć niekalki razoŭ zapar źjaŭlacca kala aŭtobusaŭ, jakija stajać u pačatku čarhi.
«Siońnia taksisty na pieršy aŭtobus razoŭ ź piać ci šeść padjazdžali — adny i tyja ž chvilin za 10. Tut vidavočna zmova», — napisaŭ adzin z udzielnikaŭ abmierkavańnia.
Inšyja biełarusy rajać vyklikać taksi praz dadatki. Na ich dumku, tak možna i aščadzić, i nie padtrymlivać nieaficyjny biznes.
«Taksi — jašče adna mafija, jakaja kormicca vakoł hetaj situacyi».
Jak uładkavanaja pierasadka
Sama praktyka pierasadki pasažyraŭ z adnaho aŭtobusa ŭ inšy źjaviłasia daŭno i była źviazanaja z doŭhimi čarhami na miažy. Kali čakańnie raściahvałasia na sutki i bolš, pasažyry pačali šukać mahčymaść nie čakać uvieś heta čas u aŭtobusie, a pierasieści ŭ toj, što ŭžo znachodzicca bližej da šłahbauma.
Schiema prostaja: pasažyr dajazdžaje da miažy na aŭtobusie, vychodzić i damaŭlajecca pra miesca ŭ inšym, jaki staić napieradzie. Ciapier košt pierasadki va ŭsich prykładna adnolkavy — 50 jeŭra. Volnyja miescy nie zakančvajucca. Ich zabiaśpiečvajuć ludzi, jakija vysadzilisia, kali aŭtobus byŭ jašče ŭ chvaście čarhi.
Pastupova padarožniki znajšli jašče adzin, bolš biudžetny varyjant. Jany pierastali kuplać kvitki na rejsavyja abo turystyčnyja aŭtobusy, a stali samastojna dabiracca da Bresta: chtości — na aŭtamabili, chtości — na ciahniku ci aŭtobusie. A dalej jany vyklikajuć taksi (abo taksisty sami prapanujuć svaje pasłuhi) i jeduć prosta da pačatku čarhi. Tam užo možna šukać aŭtobus z volnym miescam i damaŭlacca pra pierasadku.
«Ryzykavać samalotam nie chaciełasia». Čamu biełarusy płaciać amal 200 jeŭra za vybar daty pierasiačeńnia miažy
Ceły miesiac praz pamiežny pierachod u Breście mohuć prapuskać pavolniej, čym zvyčajna
Jak pieražyć čerhi na miažy? Što kažuć kiroŭcy aŭtobusaŭ i byvałyja pasažyry
Papularny trevieł-błohier z Polščy naviedaŭ Biełaruś. Takich cen i kolkaści kamier jon nie čakaŭ
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia23
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Viečno k nam lezietie i nam vsio portitie.
A skolko tieriajet biudžiet Briesta i avtovokzały RB, s odnoho avtobusa priblizitielno 2000 jevro. I eto na hłazach vsieho Briesta. A kuda smotrit "pomoŝnik" łuki po Briestskoj obłasti, mintrans i pročije provierialŝiki...
Vied́ očieriedi to iskusstviennyje, obyčno iz 30 avtobusov štuk 25 pustyje, vsie na polskich nomierach, soobŝienija Briest- Biała ili Briest-Tieriespol, no s biełorusskimi voditielami. Eto i jesť "iziuminka" tipa biźniesa, sozdať užas na licie passažirov , uvidievšich takije očieriedi.I voźnikajuŝim žiełanijem otdať 50 jevro za vozmožnosť pieriesiesť v piervyje avtobusy. Tak čto jeśli i mafija, to točno mieždunarodnaja i śviazannaja s briestskim rukovodstvom.