Premjer-ministr Vialikabrytanii Devid Kemieran adradziŭ prahramu časoŭ chałodnaj vajny pa padtrymcy ŭschodniejeŭrapiejskich krain u baraćbie z pahrozaj rasijskaha daminavańnia.
Užo ciapier fond abjomam u piać miljonaŭ funtaŭ (7,35 młn dalaraŭ) vykarystoŭvajecca dla padtrymki hramadzianskich instytutaŭ va Ukrainie.
Jon budzie pašyrany jašče na 15 młn funtaŭ (amal da 30 młn dalaraŭ) dla padtrymki raźvićcia demakratyi ŭ Małdavii, Hruzii, Bośnii i Hiercahavinie i Sierbii, paviedamili brytanskija ŭłady.
Dziejnaść Good Governance Fund budzie zasnavanaja na prahramie časoŭ chałodnaj vajny, jakuju inicyjavała były premjer-ministr Vialikabrytanii Marharet Tetčer.
Jana była pryniataja ŭ 1989 hodzie dla raźvićcia hramadzianskich instytutaŭ i rynkavaj ekanomiki i efiektyŭnaha kiravańnia ŭ krainach, jakija ŭvachodzili ŭ śfieru ŭpłyvu SSSR, uklučajučy Vienhryju, Polšču i Čechasłavakiju.
Abviaščajučy pra ŭznaŭleńnie fondu, Devid Kemieran skazaŭ: «Upeŭnienaść u najaŭnaści mocnych partnioraŭ na miažy ES važnaja nie tolki dla biaśpieki Vialikabrytanii, ale i dla našaha doŭhaterminovaha roskvitu. Vopyt Vialikabrytanii moža syhrać vyrašalnuju rolu ŭ praviadzieńni ŭ žyćcio reformaŭ, nieabchodnych dla stvareńnia tryvałaj stabilnaści ŭ rehijonie, asabliva va ŭmovach kampanii zapałochvańnia, jakaja pravodzicca Rasijaj, i budzie pravilnym aktyvizavać našy namahańni razam z našymi mižnarodnymi partniorami».
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova14
Kamientary