U Stenfardzie vynajšli batareju, što dazvolić zaradzić smartfon za chvilinu
A jašče jana hniecca i nie zaharajecca.
Daśledčyki Stenfardskaha ŭniviersiteta (ZŠA) prezientavali technałohiju aluminijevaj batarei z nadzvyčaj vysokaj chutkaściu padzaradki. Raspracoŭščyki vierać, što jana zdoleje zamianić siońniašnija lityj-ionnyja akumulatary smartfonaŭ i noŭtbukaŭ.
U adroźnieńnie ad papiarednich raspracovak aluminijevych akumulataraŭ, što mahli vytryvać kala 100 cykłaŭ razradki-zaradki, stenfardskija «pieražyvuć» 7500 cykłaŭ.
H.zn. u 7,5 razu bolej za sučasnyja lityj-ionnyja akumulatary.
Praŭda, pakul pratatyp aluminijevaha akumulatara zdolny vytrymlivać napružańnie ŭ 2 V (suprać 3,6 V u lityj-ionnych) i mahutnaść tolki ŭ 40 Vt na kiłahram (suprać 100-200 Vt na kh ŭ lityj-ionnych). Ale navukoŭcy spadziajucca palepšyć pakaźniki.
Siarod plusaŭ aluminijevych akamulataraŭ nie tolki zvyšvysokaja chutkaść zaradki, ale i hnutkaść dy nadzvyčajnaja biaśpiečnaść. Takija akumulatary nie nahrejucca dy zapalacca pry defarmacyi — ich možna choć praśvidravać.
***
Revalucyju ŭ akumulatarach abiacajuć užo nie pieršy dziasiatak hod. Siarod apošnich raspracovak — pratatyp bijabatarei z nanačaścinkami, što moža zaradžacca za 30 siekundaŭ i hielevaja batareja z dyjaksidam tytanu, što padzaradzicca da 70% za dźvie chviliny. Vytvorčaść abodvuch hadanych pratatypaŭ abiacajuć naładzić u 2016-m.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary