thelocal.se
Načalnik apieratyŭnych uzbrojenych sił Šviecyi Anders Hrenstad paćvierdziŭ, što abjekt, vyjaŭleny ŭ minułym hodzie ŭ vodach Stakholmskaha archipiełaha, nasamreč akazaŭsia nie padvodnaj łodkaj, a techničnym sudnam.
«Analiz pakazaŭ, što abjekt na fatahrafii, zroblenaj va ŭnutranym archipiełahu na ŭvachodzie ŭ port Stakholma, značna mienšy, čym mierkavałasia, što nie dazvalaje kłasifikavać jaho jak padvodnuju łodku», — zajaviŭ Hrenstad.
Z 17 pa 24 kastryčnika 2014 hoda ŭ akvatoryi Stakholmskaha archipiełaha prachodziła apieracyja pa pošuku zamiežnaj padvodnaj łodki. ŚMI sa spasyłkaj na krynicy paviedamlali, što Šviecyja pierachapiła pieramovy na rasijskaj movie, jakija vialisia na avaryjnaj častacie, a sihnał išoŭ u Kalininhrad, dzie raźmieščana štab-kvatera Bałtyjskaha fłotu.
U Minabarony Rasii tady zajavili, što «nijakich niaštatnych i, tym bolš, avaryjnych situacyj z rasijskimi vajskovymi karablami nie było».
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary