Stop-marazm: kandycyjaniery i spadarožnikavyja talerki ciapier možna viešać biez raspracoŭki prajekta
U Biełarusi źmienieny paradak uzhadnieńnia ramontna-budaŭničych pracaŭ. Novyja praviły ŭstupili ŭ siłu 21 sakavika praz pastanovu ŭrada ad 9 sakavika 2015 №180 «Ab uniasieńni dapaŭnieńniaŭ i źmianieńniaŭ u pastanovy Savieta Ministraŭ Respubliki Biełaruś ad 17 lutym 2012 h. №156 i ad 16 maja 2013 h. №384
Dla ŭstanoŭki kandycyjanieraŭ i spadarožnikavych talerak pa-raniejšamu patrebny dazvoł miascovych uładaŭ, zatoje raspracoŭka adpaviednaha budaŭničaha prajekta ciapier admienienaja.
Inšaje spraščeńnie datyčycca śpisu prac, jakija adnosiacca ci nie adnosiacca da pierapłaniroŭki.
Ustanoŭka škła na bałkonach i łodžyjach ciapier moža vykonvacca biez ŭzhadnieńnia z uładami. Adzinaje vyklučeńnie — damy ŭzdoŭž hałoŭnych vulic haradoŭ, dzie pa-raniejšamu budzie patrabavacca ŭnifikavany styl škleńnia.
Aproč taho, biez dazvołu ciapier možna źmianiać i pieranosić ŭnutrykvaternyja sietki chałodnaha i haračaha vodazabieśpiačeńnia, elektrazabieśpiačeńnia, vodaadviadzieńnia (kanalizacyi), u tym liku razietki, unitazy i sušylniki.
Pa-raniejšamu raspracoŭvać prajekt patrebna dla znosu apornaj ściany. Pieranos batarej aciapleńnia, kab abjadnać bałkon i žyły pakoj, kateharyčna zabaraniacca. Niemahčyma atrymać dazvoł i na pjerabudovu vientylacyjnaj sistemy.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?5
Kamientary