Ukrainskija śpiecsłužby majuć infarmacyju pra mahčymuju śpiecapieracyju FSB Rasii suprać pieršaha vice-śpikiera VR Andreja Parubija i kiraŭnika kamiteta VR pa pytańniach nacbiaśpieki i abarony Siarhieja Pašynskaha.
Adpaviednuju infarmacyju «Ukrainskaj praŭdzie» paviedamili krynicy ŭ śpiecsłužbach.
Pa infarmacyi surazmoŭcy UP, Parubija i Pašynskaha płanavali zachapić i dastavić u Rasiju.
Surazmoŭca patłumačyŭ, što takim čynam u Rasii chočuć arhanizavać adkryty sudovy praces z pryciahnieńniem śledčaha kamiteta RF i abvinavacić ukrainskich vysokich słužbovych asob u dačynieńni da trahičnych padziej 2 maja 2014 hoda ŭ Adesie.
Pavodle atrymanaj infarmacyi, u Rasii płanujuć pabudavać abvinavačvańnie na tym, što nibyta Parubij asabista kuryravaŭ dziejańni samaabarony Adesy padčas masavych chvalavańniaŭ 2 maja. Abvinavačvańnie ŭ dačynieńni da Pašynskaha źbiralisia pabudavać na tym, što jon nibyta taksama datyčny da hetaha pracesu.
U jakaści vykanaŭcaŭ vykradańnia, pa słovach surazmoŭcy, FSB płanavała vykarystoŭvać dźvie hrupy ahientaŭ, jakija źjaŭlajucca hramadzianami Ukrainy.
«Zapłanavanaje praviadzieńnie ŭ Maskvie tak zvanaha «trybunału nad ukrainskimi nacyjanalistami», z metaj vykarystańnia Parubija i Pašynskaha ŭ jakaści hałoŭnych abvinavačanych u hetym pracesie, pakolki praces nad Saŭčanka pravaliŭsia», — skazaŭ surazmoŭca.
«Ukrainskaja praŭda» źviarnułasia da pieršaha vice-śpikiera Andreja Parubija z prośbaj paćvierdzić abo abvierhnuć hetuju infarmacyju.
Jon nie staŭ jaje kamientavać, ale paćvierdziŭ, što, pačynajučy ź sierady, 22 krasavika ŭpieršyniu z momantu pryznačeńnia na dziaržaŭnyja pasady pahadziŭsia na supravadžeńnie dziaržaŭnaj achovy.
«Ja mahu paćvierdzić, što ź siońniašniaha dnia na karotki pramiežak času ja daŭ dabro na pradastaŭleńnie mnie praduhledžanaj zakonam dziaržaŭnaj achovy pa patrabavańni ŭkrainskich śpiecsłužbaŭ, jakija vałodajuć infarmacyjaj pra pahrozu majmu žyćciu», — skazaŭ Parubij.
Jak viadoma, padčas padziej u Adesie Parubij byŭ sakratarom SNBA, a Pašynski časova vykonvaŭ abaviazki kiraŭnika Administracyi prezidenta.
Parubij paśla pryznačeńnia na pasadu sakratara SNBA admoviŭsia ad dziaržaŭnaj achovy. Nie pahadziŭsia jon na abaronu i paśla zamachu na jaho 24 śniežnia, kali jamu pad nohi ŭ centry horada kinuli hranatu.
Kamientary