Украінскія спецслужбы маюць інфармацыю пра магчымую спецаперацыю ФСБ Расіі супраць першага віцэ-спікера ВР Андрэя Парубія і кіраўніка камітэта ВР па пытаннях нацбяспекі і абароны Сяргея Пашынскага.
Адпаведную інфармацыю «Украінскай праўдзе» паведамілі крыніцы ў спецслужбах.
Па інфармацыі суразмоўцы УП, Парубія і Пашынскага планавалі захапіць і даставіць у Расію.
Суразмоўца патлумачыў, што такім чынам у Расіі хочуць арганізаваць адкрыты судовы працэс з прыцягненнем следчага камітэта РФ і абвінаваціць украінскіх высокіх службовых асоб у дачыненні да трагічных падзей 2 мая 2014 года ў Адэсе.
Паводле атрыманай інфармацыі, у Расіі плануюць пабудаваць абвінавачванне на тым, што нібыта Парубій асабіста курыраваў дзеянні самаабароны Адэсы падчас масавых хваляванняў 2 мая. Абвінавачванне ў дачыненні да Пашынскага збіраліся пабудаваць на тым, што ён нібыта таксама датычны да гэтага працэсу.
У якасці выканаўцаў выкрадання, па словах суразмоўцы, ФСБ планавала выкарыстоўваць дзве групы агентаў, якія з'яўляюцца грамадзянамі Украіны.
«Запланаванае правядзенне ў Маскве так званага «трыбуналу над украінскімі нацыяналістамі», з мэтай выкарыстання Парубія і Пашынскага ў якасці галоўных абвінавачаных у гэтым працэсе, паколькі працэс над Саўчанка праваліўся», — сказаў суразмоўца.
«Украінская праўда» звярнулася да першага віцэ-спікера Андрэя Парубія з просьбай пацвердзіць або абвергнуць гэтую інфармацыю.
Ён не стаў яе каментаваць, але пацвердзіў, што, пачынаючы з серады, 22 красавіка ўпершыню з моманту прызначэння на дзяржаўныя пасады пагадзіўся на суправаджэнне дзяржаўнай аховы.
«Я магу пацвердзіць, што з сённяшняга дня на кароткі прамежак часу я даў дабро на прадастаўленне мне прадугледжанай законам дзяржаўнай аховы па патрабаванні ўкраінскіх спецслужбаў, якія валодаюць інфармацыяй пра пагрозу майму жыццю», — сказаў Парубій.
Як вядома, падчас падзей у Адэсе Парубій быў сакратаром СНБА, а Пашынскі часова выконваў абавязкі кіраўніка Адміністрацыі прэзідэнта.
Парубій пасля прызначэння на пасаду сакратара СНБА адмовіўся ад дзяржаўнай аховы. Не пагадзіўся ён на абарону і пасля замаху на яго 24 снежня, калі яму пад ногі ў цэнтры горада кінулі гранату.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі34
Каментары