Da prykładu, na internet-stancyi «NETradio» Kullinkovič budzie ahladać kinanavinki.
Užo ad 5 lutaha na «NETradio» kožnaja ŭ svoj čas pačnuć źjaŭlacca prahramy viadomych biełaruskich muzykaŭ i žurnalistaŭ. Planujecca, što hurt «Niestandartnyj variant» budzie zabiaśpiečvać novaje radyjo rep‑muzykaj i praz čas całkam stanie adkaznym za źmiest repavaha kanału.
Muzyki Andrej Dziarkoŭ, Atmaravi i Siarhiej Pukst zojmucca na «NETradio» prahramaj‑medytacyjaj:
«Hetyja ludzi — vialikija myślicieli i majstry słova, — ličyć prahramny dyrektar radyjo Tamara Lisickaja. — U dadzienym vypadku jany buduć hetaje svajo ŭmieńnie zrealizoŭvać — u kožnaha kožny dzień budzie paŭtary chviliny volnaha času i mahčymaść prosta razmaŭlać». Prahramu tak i nazvali — «Medytacyja» — nastroj na novy dzień.
Lider hurta Neuro Dubel Alaksandar Kullinkovič na novym radyjo zojmieca ahladam kinanavinak.
«U jaho vostry jazyk, jon sarkastyčny i vielmi razumny, — raspaviadaje Tamara Lisickaja. — Tym bolej, u jaho vialikaja ciaha da kino: kali pačytać inčerviju Kullinkoviča, možna zaŭvažyć častyja apelavańni da filmaŭ. Tamu my vyrašyli, što Alaksandar Kullinkovič jak nichto inšy zmoža cikava i trapna dla kantekstu muzyčnaha kanału raskazać pra kino».
Da Nika Matoryna prahramnaje kiraŭnictva «NETradio» źviarnułasia pa dapamohu sfarmavać 24‑hadzinny kanał klubnaj muzyki.
Muzyčny žurnalist Siarhiej Budkin budzie aŭtaram prahramy «Biełaruskaja raskładka«.
Radyjostancyja ŭklučana va ŭnutranyja resursy papularnych pravajderaŭ, dzie jaje možna słuchać abo biaspłatna, abo paraŭnalna tanna. Viaščańnie viadziecca ŭ farmatach mp3 i wma z mahčymaściu vybaru jakaści i, adpaviedna, trafiku.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary