Staršynia Partyi BNF adkazvaje na redakcyjny artykuł u «Biełorusskoj vojennoj hazietie».
Dziakuju za publikacyju majho dopisu ŭ numary za 6.02.2008 h. Škada, što redakcyja Vašaj haziety paviarchoŭna i niekrytyčna padyšła da nieprafiesijnaha materyjału publicysta A.Maksimava, apublikavanaha na tydzień raniej, i pasprabavała błytanaj šmatsłoŭnaściu abialić honar svajho mundzira. Spadziajusia, što čytačy sami zdoleli acanić, dzie jość fakty, a dzie ‑‑ pryciahnutyja za vušy «fakciki». Hierb «Pahonia» isnuje, samaje mienšaje 700 hadoŭ, a bieł‑čyrvona‑bieły ściah, jak minimum 90 — daŭžej, čym «Biełorusskaja vojennaja hazieta», i daŭžej, čym nam z Vami admierana žyć na ziamli. Miž inšaha, 21 lipnia 1994 h. ja asabista prysutničaŭ pry tym, jak pieršy prezident Respubliki Biełaruś A.Łukašenka prymaŭ prysiahu mienavita pad bieł‑čyrvona‑biełym ściaham i hierbam «Pahonia». Historyju treba nie pierapisvać (bo ŭsio adno nie ŭdasca!), a pavažać i šanavać. Čaho vam žadaju. Taksama, jak žadaju čaściej zahladać u słoŭniki i choć by zbolšaha razabracca ŭ značeńni ruskaha słova «prietienzija».
Kamientary