Navat na top-10 staŭki tak sabie.
Zhodna sa statystykaj ahrehataru stavak OddsChecker, najčaściej staŭki na pieramohu na Jeŭrabačańni-2015, što projdzie z 19 pa 23 maja ŭ Aŭstryi, robiacca na Šviecyju, jakuju na konkursie pradstavić Mons Ziełmierloŭ ź pieśniaj «Heroes».
Pa sumie stavak roznych bukmiekierskich kantor biełaruski duet Juzary i Majmuna zajmaje tolki 16 miesca z 40 krain-udzielnic. Kaeficyjent na pieramohu — ad 50/1 da 100/1.
Na toje, što Biełaruś uvojdzie prynamsi ŭ pieršuju dziasiatku, kaeficyjent 5/2, a na toje, što zojmie najvyšejšaje miesca siarod krain Uschodniaj Jeŭropy — 19/2.
Najbolš staviać na pieramohu Šviecyi — kaeficyjenty nižej za 1/2. Śledam za Šviecyjaj Italija, Aŭstralija, Estonija i Finlandyja. Rasija na 6 miescy z kaeficyjentami ad 10/1 da 19/1, ale, kali vieryć bukmiekieram, maje niepahanyja šancy trapić u top-5.
U samym nizie tablicy stavak raźmiaścilisia Šviejcaryja, Čechija, San-Maryna, Małdova i Partuhalija.
***
«Jeŭrabačańnie» projdzie ŭ 60-y raz z 19 pa 23 maja ŭ Vienie. U 2015 hodzie ŭ konkurs viernucca Kipr, Sierbija i Čechija, što raniej admaŭlalisia ad udziełu. Ale 12 inšych krain admovilisia ad udziełu, u ich liku Ukraina. Upieršyniu (i, mahčyma, adziny raz) u konkursie voźmie ŭdzieł Aŭstralija.
Pradstaŭniki Biełarusi na «Jeŭrabačańni-2015» vystupiać u druhoj častcy pieršaha paŭfinału 19 maja ź pieśniaj «Time».
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary