Bieły dom uziaŭ pieśniu Keci Pery dla videa ŭdaraŭ pa Iranie. Toj heta nie spadabałasia
Bieły dom apublikavaŭ rolik z kadrami vajennych udaraŭ pad pieśniu Fireworks z podpisam «Iran byŭ papiaredžany».
Śpiavačka Keci Pery raskrytykavała Bieły dom za vykarystańnie jaje pieśni Fireworks («Fiejervierki») u videa pra ŭdary amierykanskich vajennych pa Iranie, paviedamlaje USA Today.
23 lipienia aficyjny tyktok-akaŭnt Biełaha doma apublikavaŭ rolik z kadrami vajennych udaraŭ, vykarystaŭšy pieśniu Pery u jakaści saŭndtreku i abyhryvajučy radki «boom boom boom» — z podpisam «Iran byŭ papiaredžany».
Iran has been warned.
Paśla hetaha Pery napisała ŭ X, što jana «hłyboka šakavanaja i aburanaja» i što jana nie davała dazvołu i kateharyčna nie ŭchvalaje takoje vykarystańnie.
Śpiavačka patłumačyła, što napisała hetuju pieśniu jak himn nadziei i unutranaj siły dla ludziej, jakija pieražyvajuć ciažkija momanty, a pieratvareńnie jaje ŭ saŭndtrek da razbureńnia i hvałtu — «poŭnaje pieratvareńnie ŭ načysta pierakručany sens».
I am deeply appalled and angry to see “Firework” used on the @WhiteHouse TikTok account as a backing track for video footage of military strikes. I did not approve this, I was not asked, and I absolutely do not condone it.
I wrote this song to be an anthem of hope, healing, and…
Namieśnik pamočnika Trampa Kiejłan Dor adkazaŭ na post Pery, apublikavaŭšy ŭryvak ź jaje ž klipa 2012 hoda Part of Me, dzie jana ŭ vajennym vučebnym łahiery, z podpisam «Heta ty?».
Heta nie pieršy padobny kanflikt z artystami. Aryjana Hrande aburałasia vykarystańniem jaje pieśni Bye u videa pra zatrymańnie mihrantaŭ. Kieša, Alivija Radryha, Sabryna Karpienter taksama pratestavali suprać vykarystańnia ich muzyki biez dazvołu.
Śpiavačka Aryjana Hrande zapatrabavała ad Biełaha doma nie vykarystoŭvać jaje piesień u antyimihracyjnych rolikach
Keci Pery suprać Keci Pery. Aŭstralijskaja dyzajnierka vyjhrała pazoŭ suprać śpiavački, ź jakoj sudziłasia z-za imia
Što viadoma pra raman śpiavački Keci Pery i byłoha premjera Kanady Džaścina Trudo
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
Kamientary