Alaksiej Dzikavicki, Varšava
U Polščy zakryćcio “Našaj Nivy” nazyvajuć sprobaj ciapierašniaha biełaruskaha režymu “pakazać, što nijakaj inšaj presy, akramia toj, što zachaplajecca ŭładaj, u Biełarusi niama”, a biełastockaja “Niva” zajaŭlaje ab hatoŭnaści adkryć svaje staronki dla žurnalistaŭ “Našaj Nivy”.
Vojciech Barodzič-Smaliński z Varšaŭskaha centru mižnarodnych dačynieńniaŭ kaža, što nijakaj realnaj pahrozy dla biełaruskaha režymu z boku “Našaj Nivy”, chutčej, nie było, i zachady biełaruskich uładaŭ skiravanyja na toje, kab pakazać, što miesca na luboje inšadumstva ŭ krainie paśla 19 krasavika paprostu niama.
(Barodzič-Smaliński: ) “Nijakaj niebiaśpieki dla režymu z boku hazety nie było, ja dumaju. “Naša Niva” vychodziła ŭ Miensku. Administracyja Łukašenki dobra viedaje, što ŭ Miensku bolšaść ludziej ciapierašniaha kiraŭnika krainy nie padtrymlivajuć. Tamu “Našu Nivu” i zakryli, kab pakazać, što nijakaj niezaležnaj dumki ŭ stalicy niama, jość tolki hazety, jakija pišuć pra niepalityčnyja rečy, albo pišuć ŭ adpaviednaści ź instrukcyjami ŭładaŭ”.
Polski žurnalist Cezary Halinśki, u časie pracy ŭ Biełarusi, vyvučaŭ pa “Našaj Nivie” biełaruskuju movu. Dla jaho rašeńnie ŭładaŭ u spravie hetaj hazety heta sproba kančatkova zaćvierdzić svaju pieramohu ŭ vybarach.
(Halinśki: ) “Ja dumaju, što ŭłady takim čynam pakazali svoj kančatkovy tryjumf. Hetym krokam jany chacieli “zadakumentavać” svaju pieramohu, pakazać, što ciapier Łukašenka moža rabić što zachoča – ničoha jamu nie pieraškodzić”.
Miž tym redaktar biełastockaj “Nivy” Jaŭhien Vapa kaža, što jahonaja hazeta budzie ŭsialak padtrymlivać našaniŭcaŭ.
(Vapa: ) “Toje, što infarmacyja pra zakryćcio “Našaj Nivy” źjaviłasia ŭ čas 100-hadovaha jubileju hazety, heta metanakiravany ŭdar pa ŭsim, što biełaruskaje pavodle duchu, a nia formy. My havaryli ŭ redakcyi pra heta siońnia. My salidarnyja z našymi siabrami z “Našaj Nivy”, i staronki biełastockaj “Nivy” dla ich buduć adkrytyja”.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary