Motakłub «Načnyja vaŭki» adkryŭ svajo adździaleńnie ŭ Čačni, nazvaŭšy jaho «Načnyja vaŭki — Hrozny». Pra heta ŭ svaim akaŭncie Instagram paviedamiŭ kiraŭnik respubliki Ramzan Kadyraŭ.
«U subotu ŭviečary ŭ Čačni aficyjna źjaviłasia adździaleńnie Usierasijskaha motakłuba «Načnyja vaŭki». Ja z zadavalnieńniem pryniaŭ prapanovu stać hanarovym lidaram adździaleńnia, bo całkam padzialaju idei i mety motakłuba», - napisaŭ čačenski kiraŭnik.
Kadyraŭ dadaŭ, što ŭsie siabry adździaleńnia padpisali prysiahu «Načnych vaŭkoŭ», a taksama atrymali z ruk lidara motakłuba Alaksandra (Chirurha) Załdastanava skuranyja kamizelki ź simvolikaj.
«My nie prosta adkryvajem adździaleńnie matakłuba «Načnyja vaŭki» ŭ Hroznym, tut sensy značna šyrejšyja. Heta simvał. My žyviem u asablivuju epochu, kali Rasija abjadnoŭvajecca. Toje, čaho my tak doŭha čakali, ciapier realizujecca. Heta simvał taho, što my razam, my adna kraina, niezaležna ad taho, jakoha my vieravyznańnia i dzie my žyviem», - pracytavaŭ Kadyraŭ słovy Załdastanava.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary