Ukrainskaja pravasłaŭnaja carkva Kijeŭskaha patryjarchatu UPC (KP) i Ukrainskaja aŭtakiefalnaja pravasłaŭnaja carkva rychtujucca da praviadzieńnia abjadnalnaha Saboru.
Pra heta na bryfinhu skazaŭ sakratar sinoda UPC (KP) arcybiskup Jaŭstracij (Zara), pieradajuć Ukrajinśki novini.
Jak viadoma, UPC (KP) i UAPC razhladajuć mahčymaść praviadzieńnia abjadnaŭčaha Saboru dla stvareńnia adzinaj carkvy 14 vieraśnia.
Pa słovach Jaŭstracija, na Sabory budzie razhledžana pytańnie pra kiraŭnika carkvy.
«Prapanova našaj carkvy, kab Sabor pryznaŭ nastajacielem adzinaj carkvy patryjarcha Kijeŭskaha i ŭsioj Rusi-Ukrainy Fiłareta», — skazaŭ jon.
Pa słovach Jaŭstracija, u chodzie pieramovaŭ UPC (KP) i ŬAPC abmiarkoŭvalisia 2 varyjanty vyznačeńnia pradstajaciela abjadnanaj carkvy: UPC (KP) prapanavała vyznačyć kiraŭnikom Fiłareta, a UAPC — pravieści hałasavańnie dla abrańnia pradstajaciela.
Tak, pa słovach Zary, kančatkovaje rašeńnie pa hetym pytańni budzie pryniata padčas abjadnalnaha Saboru.
Akramia taho, na Sabory budzie vyrašacca pytańnie nazvy carkvy.
UPC (KP) prapanuje zamacavać nazvu «Ukrainskaja pravasłaŭnaja carkva Kijeŭski patryjarchat», pakinuŭšy pry hetym mahčymaść vykarystańnia druhoha aficyjnaj nazvy — «Ukrainskaja aŭtakiefalnaja pravasłaŭnaja carkva».
Pa słovach arcybiskupa, heta dazvolić paźbiehnuć nieabchodnaści pierarehistracyi statutnych i šerahu inšych dakumientaŭ usimi cerkvami.
Jon nahadaŭ, što padčas pieramovaŭ pa abjadnańni było pryniata rašeńnie, što ŭ Sabory prymuć udzieł usie biskupy UPC (KP) i UAPC, a taksama pa adnym delehacie na kožnyja 15 parafij.
Pavodle dadzienych Jaŭstracija, pa stanie na 1 studzienia va UAPC naličvałasia kala 1,2 tys. prychodaŭ, a va UPC (KP) — kala 4,9 tys. prychodaŭ.
Arcybiskup zaklikaŭ hramadskaść stavicca da dasiahnutych pamiž cerkvami damoŭlenaściej sa strymanym aptymizmam, adznačyŭšy, što na šlachu abjadnańnia moža paŭstać niamała pieraškod.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary