Tydzień tamu paviedamlałasia, što našeście vusieniaŭ niaparnaha šaŭkaprada napałochała žycharoŭ vioski Kaniuchi ŭ Maładziečanskim rajonie.
Na nastupny dzień paśla paviedamleńniaŭ na miesca vyjechali supracoŭniki rajonnaha adździełu pa nadzvyčajnych situacyjach. Ratavalniki, z dapamohaj aŭtavyšak i bienzapiłaŭ, śpiłavali abjedzienyja drevy i ačahi z kokanami.
Dziakujučy namahańniam supracoŭnikaŭ MNS situacyja nie vyjšła z-pad kantrolu i zastałasia łakalnaj prablemaj dla miascovych žycharoŭ i ich haspadarak. U pasiołku Bierazinski, što mieścicca pobač z Kaniuchami, žychary pahadzilisia na sanapracoŭku raślin i drevaŭ, kab spynić nastupstva šaŭkaprada.
Niaparny šaŭkaprad — heta nie pryšły monstr, a zvykły dla Biełarusi vid. Nie treba jaho błytać z tutavym šaŭkapradam, jaki razvodziać dla vyrabu šoŭku. Ale kali raniej niaparny šaŭkaprad sustrakaŭsia najbolš na poŭdni i łakalna, to ciapier mihravaŭ i staŭ imkliva razmnažacca. Pryčyna hetaha sioleta — ciopłyja, suchija zima i viasna hetaha hoda. Spynić raspaŭsiud jaho moža daždžystaje nadvorje, jakoje zaminaje paravańniu matylkoŭ šaŭkapradaŭ i pryvodzić da adkładańnia nieapłodnienych jajek.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary