Nieprazrysty prodaž Velcom'u — dziaržaŭnaja palityka

«Ja patłumaču, čamu my tady ničoha nie kazali presie. Heta była palityka našaj dziaržavy. Heta nie sakretnaja aperacyja. Akurat tady adbyvalisia pieramovy z Rasiejaj nakont cenaŭ na haz, my zmahalisia za kožny dalar. Była damova z pakupnikom MŁS — da pastupleńnia srodkaŭ ad prodažu dziarždoli ŭ biudžet ni my, ni jany nia musili ahučvać nijakich ličbaŭ» — raspavioŭ žurnalistam pra asablivaści prodažu Velcom Hieorhi Kuźniacoŭ. Pa słovach dyrektara Fondu dziaržmajomaści Natalli Žarnasiek, usie srodki, atrymanyja ad prodažu dziarždoli kampanii, zhodna zakanadaŭstva patrapili ŭ biudžet. U vyniku hetaja suma skłała $556 młn. N. Žarnasiek padkreśliła, što pakolki MŁS na momant prodažu źjaŭlaŭsia sumiesnym pradpryjemstvam, zakanadaŭstva vyklučała publičnaść tarhoŭ.

Adkazvajučy na pytańnie pra śpis ab'ktaŭ dziaržaŭnaj ułasnaści, padrychtavanych da prodažu ŭ 2008 h., Natalla Žarnasiek paviedamiła, što hety śpis budzie hatovy naprykancy lutaha — pačatku sakavika. «Što datyčyć bujnych pramysłovych pradpryjemstvaŭ, kštałtu MAZu, MTZ, Biełaruśkaliju dy inšych, to paŭtarusia — pradmetnych prapanovaŭ ad halinovych orhanaŭ dziaržaŭnaha kiravańnia pa refarmavańni hetych pradpryjemstvaŭ nie pastupała» — zaznačyła dyrektar Fondu dziaržmajomaści. I dadała: "Heta nie aznačaje, što adpaviednyja prapanovy nia mohuć źjavicca". Spn. Žarnasiek padkreśliła, što pracedury prodažu dziaržmajomaści ŭ Biełarusi mała čym adroźnivajucca ad suśvietnych: «My vystupajem za prazrystaść i zrazumiełaść hetych praceduraŭ».

Na siońnia ŭ Biełarusi naličvajecca kala 13500 abjektaŭ majomaści, što nie vykarystoŭvajucca pa pryznačeńni i nie znachodziacca ŭ haspadarčym zvarocie, paviedamiła N. Žarnasiek. Kala 60 % hetych abjektaŭ buduć pieraprafilavanyja i, paśla viartańnia ŭ haspadarčy zvarot, zastanucca va ŭłasnaści dziaržavy. Kala 25–30 % takich abjektaŭ buduć pradadzienyja. Čaściej za ŭsio heta razburanyja, ci niedabudavanyja budynki.

U minułym hodzie sumarnyja pastupleńni ad prodažu dziaržułasnaści, atrymańnia dyvidentaŭ ad akcyjaŭ pradpryjemstvaŭ, doli prybytkaŭ pradpryjemstvaŭ, prybytkaŭ ad arendy skłali 649 młrd rub. Sioleta zaplanavana atrymać na 10-15 % bolš. Planujecca, što ad prodažu dziaržmajomaści ŭ biudžet pastupić kala 4,7 młrd rub, adnak u Dziaržkamitecie pa majomaści nie vyklučajuć, što vynikovaja ličba značna pieravysić zaplanavanuju.

• 0
• 0
• 0
• 0
• 0
• 0
• 0
• 0