Premjer-ministr Vialikabrytanii Devid Kemieran zajaviŭ, što Łondan zojmie bieskampramisnuju pazicyju ŭ adnosinach da Rasii ŭ suviazi ź jaje anieksijaj Kryma i kryzisam na ŭschodzie Ukrainy.
«My pavinny zajmać bieskampramisnuju pazicyju adnosna sprobaŭ siłaj źmianić miežy ŭ Jeŭropie», — skazaŭ brytanski premjer, jaki vystupaŭ na kanfierencyi pa hłabalnaj biaśpieki GLOBSEC ŭ Bracisłavie.
«Urad prezidenta Parašenki maje patrebu ŭ dapamozie dla praviadzieńnia žyćciova važnych palityčnych i ekanamičnych reformaŭ, i my pavinny dać jamu hetuju dapamohu», — dadaŭ.
«Nieabchodna dakładna zajavić: Ukraina achviara, a nie ahresar», — zajaviŭ brytanski premjer.
«Nam zrazumieła: Krym i Danbas — heta častka terytoryi Ukrainy, — padkreśliŭ Kemieran. — Jany byli pryznanyja ŭ jakaści takich Rasijaj i astatniaj mižnarodnaj supolnaściu. Toje, što zrabiła i praciahvaje rabić Rasija, — heta parušeńnie jaje ŭłasnych abaviazacielstvaŭ pa mižnarodnym pravie».
Rasija pakul nie adreahavała na vystup brytanskaha premjera.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda7
Kamientary