«U mianie matulečka ŭ hetym hateli» — jak pracuje telekanał «Łajfńjuz» na prykładzie terakta ŭ Tunisie
26 červienia ŭ hatel Riu Imperial Marhaba, što ŭ horadzie Sus, uvarvaŭsia ŭzbrojeny mužčyna. Jon zabiŭ 37 čałaviek (jašče dvoje pamierli ŭ špitali paźniej), paśla čaho byŭ zastreleny palicyjaj. Adkaznaść za terakt uziała na siabie «Isłamskaja dziaržava».
Rasiejski turyst, jaki ŭ hety čas znachodziŭsia ŭ Susie, vykłaŭ u svaim instahramie fotazdymak ź plaža pobač z hatelem. Na zdymku vidać niekalki trupaŭ. U kamientarach adrazu źjaviŭsia šerah žurnalistaŭ, jakija prasili mužčynu źviazacca ź imi. Usie jany pradstaŭlalisia i paviedamlali pra ŚMI, ŭ jakim pracujuć (RBK, Pieršy kanał, Russia Today i inš.). Ale karespandentka kanału «Łajfńjuz» zajšła ź inšaha boku, apublikavaŭšy «ŭschvalavany» dopis: «Piotr! Skažycie, što tam adbyvajecca ciapier? U mianie matulečka ŭ hetym hateli. Nie mahu datelefanavacca». Akramia hetaha, dziaŭčyna pakinuła svoj numar dla suviazi.
Ciapier akaŭnt hetaj dziaŭčyny zakryty, ale na skrynšocie vidać, što jaje zavuć Alena Piacionak, i jana pracuje ŭ «słavutym» miedyjachołdynhu Arama Habrelanava na pasadzie pradziusiera ŭ Navasibirsku.
A numar telefona ŭžo fihuravaŭ na rasiejskich forumach, kali žurnalisty sprabavali nabyć infarmacyju, źviazanuju z katastrofaj na naftavaj płatformie «Kolskaja», jakaja zatanuła ŭ 2011 hodzie. Tady zahinuła ci prapała bieź viestak 53 čałavieki.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary