«У мяне матулечка ў гэтым гатэлі» — як працуе тэлеканал «Лайфньюз» на прыкладзе тэракта ў Тунісе
26 чэрвеня ў гатэль Riu Imperial Marhaba, што ў горадзе Сус, уварваўся ўзброены мужчына. Ён забіў 37 чалавек (яшчэ двое памерлі ў шпіталі пазней), пасля чаго быў застрэлены паліцыяй. Адказнасць за тэракт узяла на сябе «Ісламская дзяржава».
Расейскі турыст, які ў гэты час знаходзіўся ў Сусе, выклаў у сваім інстаграме фотаздымак з пляжа побач з гатэлем. На здымку відаць некалькі трупаў. У каментарах адразу з’явіўся шэраг журналістаў, якія прасілі мужчыну звязацца з імі. Усе яны прадстаўляліся і паведамлялі пра СМІ, ў якім працуюць (РБК, Першы канал, Russia Today і інш.). Але карэспандэнтка каналу «Лайфньюз» зайшла з іншага боку, апублікаваўшы «ўсхваляваны» допіс: «Пётр! Скажыце, што там адбываецца цяпер? У мяне матулечка ў гэтым гатэлі. Не магу датэлефанавацца». Акрамя гэтага, дзяўчына пакінула свой нумар для сувязі.
Цяпер акаўнт гэтай дзяўчыны закрыты, але на скрыншоце відаць, што яе завуць Алена Пяцёнак, і яна працуе ў «славутым» медыяхолдынгу Арама Габрэлянава на пасадзе прадзюсера ў Навасібірску.
А нумар тэлефона ўжо фігураваў на расейскіх форумах, калі журналісты спрабавалі набыць інфармацыю, звязаную з катастрофай на нафтавай платформе «Кольская», якая затанула ў 2011 годзе. Тады загінула ці прапала без вестак 53 чалавекі.
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне бесіць, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
-
У Лідзе памёр 71-гадовы мужчына. Яго сын, зборшчык подпісаў за Цапкалу, кажа, што бацьку закатавалі да смерці. Ці так гэта?
Каментары