Polskija fanaty ŭčynili piekła ŭ Sarajevie pad prasierbskija łozunhi
Fanaty futbolnaha kłuba «Lech» (Poznań) adznačylisia padčas vyjezdu ŭ stalicu Bośnii na matč svajoj kamandy suprać FK «Sarajeva» ŭ ramkach druhoha kvalifikacyjnaha raŭnda Lihi Čempijonaŭ.
Kala 150 polskich fanataŭ prybyli ŭ Sarajeva za sutki da matču – jašče ŭ paniadziełak. Amal adrazu ž hrupa palakaŭ z šaści čałaviek była atakavanaja fanatami FK «Sarajeva», jakija nazyvajuć siabie «Horde Zla» (Ordy Zła), kolkaściu pryblizna ŭ tryccać čałaviek. U vyniku adzin polski zaŭziatar trapiŭ u špital.
Źviestki ab hetym chutka trapili da asnoŭnaj hrupoŭki polskich fanataŭ, jakija znachodzilisia ŭ adnym z hatelaŭ na ŭskrainach horada. Da ich taksama nakiravałasia vialikaja hrupoŭka baśniakoŭ – trochi bolš za sto čałaviek. Hrupoŭki sustrelisia na vulicach adnaho z hłuchich rajonaŭ Sarajeva — Vahošča, sutyčka adbyvałasia niedzie na praciahu 50 chvilin – pakul nie prybyła palicyja i nie raździaliła ahresiŭnyja hrupoŭki fanataŭ.
Pa vyniku ŭ špitali akazałasia 11 baśniakoŭ i 7 palakaŭ, ich žyćciu ništo nie pahražaje. Taksama haspadarami byŭ surjozna paškodžany adzin z aŭtobusaŭ, na jakich prybyli hości.
Na druhi dzień nijakich surjoznych zdareńniaŭ nie adbyvałasia, polskija fanaty znachodzilisia ŭ ačapleńni miascovaj palicyi. Varta padkreślić, što ŭsiaho padtrymać poznański «Lech» pryjechała kala tysiačy fanataŭ, siarod jakich byli i ich siabry z «Krakovii» (Krakaŭ). Što cikava, padčas svaich maršaŭ pa vulicy, a taksama niepasredna na matčy polskija zaŭziatary skandavali prasierbskija i antybaśnijskija łozunhi.
Adznačym, što matč skončyŭsia ź likam 2:0 na karyść «Lecha». Sustreča ŭ adkaz adbudziecca ŭ Poznani 22 lipienia.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary