U Połacku pastavili novyja ŭjaznyja znaki. Usie na ruskaj movie
Na vychodnych Połacku spoŭniłasia 1164 hady. Da Dnia horada pastavili novyja ŭjaznyja znaki. Pavodle zadumy ŭładaŭ, jany pavinny stać svojeasablivaj vizitnaj kartkaj najstaražytniejšaha horada Biełarusi, zaŭvažyła BGmedia.
Jak paviedamiŭ «Połacki vieśnik», novyja kanstrukcyi źjavilisia na klučavych ujezdach u horad. Ich vykanali ŭ adzinym styli, a kožny elemient dyzajnu, jak śćviardžajecca, simvalizuje suviaź pakaleńniaŭ, pierajemnaść tradycyj i bahatuju historyju Połacka.
Aŭtary prajekta ličać, što znaki pavinny pryciahvać uvahu turystaŭ i padkreślivać unikalnaść horada.
Adnak paśla źjaŭleńnia novych abjektaŭ častka pałačanaŭ źviarnuła ŭvahu nie na dyzajn, a na moŭnaje afarmleńnie. Ujaznyja znaki vykananyja na ruskaj movie — «Połock». Heta vyklikała pytańni ŭ niekatorych žycharoŭ, jakija ličać, što dla najstarejšaha horada krainy łahičniej było b vykarystoŭvać biełaruski varyjant nazvy:
- «A biełaruskaja mova, jak było raniej, užo nie ŭ trendzie?»
- «Mahli b na biełaruskaj, ci zabylisia ŭžo».
Akramia taho, žychary horada źviarnuli ŭvahu i na novy nadpis: «Z Połacku pačaŭsia śviet». U kanstrukcyi adsutničała pieršaja litara «Z».
Ciapier čytajuć
Kab nie płacić padatak na sabak, minčuki pačali zdavać ich u punkty adłovu21
Kamientary