Kala 130 starych damoŭ płanujecca źnieści ŭ Minsku ŭ druhoj pałovie 2015 hoda. Pra heta paviedamiŭ pieršy namieśnik staršyni Minharvykankama Uładzimir Kucharaŭ.
«U Minsku praktyčna niama svabodnych terytoryj, jakija možna vykarystoŭvać dla budaŭnictva žylla. U toj ža čas u kožnym rajonie horada naličvajecca niemałaja kolkaść adsielenych niekalki hadoŭ tamu starych damoŭ. Jany nie tolki psujuć źniešni vyhlad stalicy, ale i źjaŭlajucca prytułkam dla ludziej, jakija viaduć asacyjalny ład žyćcia, — skazaŭ Uładzimir Kucharaŭ. — U ciapierašni čas znosu padlahajuć 159 kinutych damoŭ. U druhim paŭhodździ UKB płanujuć likvidavać kala sotni pabudoŭ, ŽREA — 28, u pieršaj pałovie 2016 hoda — 20 i 7 adpaviedna».
Z haradskoha biudžetu na praviadzieńnie hetych rabot vydzielena Br118 młrd. Pavodle słoŭ pieršaha namieśnika staršyni Minharvykankama, vyzvalenyja terytoryi zojmuć damy dla majučych patrebu ŭ palapšeńni žyllovych umoŭ.
Kamientary