Ukrainskaja nacyjanalistyčnaja arhanizacyja «Pravy siektar» na źjeździe ŭ Kijevie abviaściła ab namiery damahacca admieny minskich pahadnieńniaŭ i «pryznańnia vajny vajnoj», a taksama lehalizacyi dobraachvotnickich uzbrojenych farmavańniaŭ va Ukrainie.
Akramia taho, nacyjanalisty na źjeździe pryniali rašeńnie vystupić z patrabavańniem ab praviadzieńni refierendumu ab niedaviery parłamientu, uradu i prezidentu Ukrainy.
Źjezd taksama pastanaviŭ, što «Pravy siektar» nie budzie ŭdzielničać u miascovych vybarach va Ukrainie, pryznačanych na vosień.
«PS» zaklikaŭ svaich prychilnikaŭ vyjści viečaram u aŭtorak na Majdan, dzie jany płanujuć pravieści narodnaje vieča pad łozunham «Dałoŭ uładu zdradnikaŭ!»
Da ofisa «Pravaha siektara» ŭ Kijevie byli ściahnutyja siły pravaachoŭnikaŭ i aŭtazaki.
Źjezdu papiaredničali skandalnyja padziei ŭ Mukačavie, dzie paśla pierastrełki pamiž bajcami «Pravaha siektara» i miascovaj «mafijaj» była raspačataja kryminalnaja sprava ab bandytyźmie.
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska70
Kamientary