«Kali b mianie pasłuchalisia, žyli b dobra» — što ŭ prahramie Viktara Ciareščanki?
Viktar Ciareščanka čaćviorty raz idzie na vybary.
U inicyjatyŭnuju hrupu ekanamista Viktara Ciareščanki ŭvajšli 946 čałaviek. Jahonaje imia znajomaje vybarcam pa prezidenckaj kampanii 2010 hoda. Tady kandydat byŭ adzinym, chto nie krytykavaŭ kiraŭnika dziaržavy.
Siarod apanientaŭ Łukašenki tolki Ciareščanku nie zatrymali ŭ noč paśla Płoščy. Jon sprabavaŭ bałatavacca i ŭ 1994, i ŭ 2001 hadach, ale tady nie sabraŭ patrebnyja podpisy.
Ciareščanku 65 hadoŭ, jon pachodzić z Krasnapolskaha rajona. Byŭ deputatam Viarchoŭnaha Savieta CHIII sklikańnia, ačolvaŭ Biełaruskuju narodnuju partyju. Ciapier pradstaŭlajecca jak staršynia rady Asacyjacyi małoha i siaredniaha pradprymalnictva.
«Kali b mianie pasłuchalisia ŭ 2010 hodzie, my b žyli dobra i nie adbyłasia b devalvacyja, pra što ja nie raz papiaredžvaŭ», — tłumačyć Ciareščanka. Padčas papiaredniaj vybarčaj kampanii jon zapomniŭsia tym, što prapanavaŭ aryhinalnuju ekanamičnuju reformu — pryraŭniać adzin biełaruski rubiel da adnaho dalara.
Ciapier u prahramie takich słovaŭ niama, ideja sfarmulavanaja pa-inšamu: «Nazapašvańnie ŭ krainie čužoj valuty zanadta doraha abychodzicca dla ekanomiki». «Lubaja arhanizacyja z takoj dynamikaj bałansu [jak Nacbank — «NN»] — patencyjny bankrut, jaki patrabuje nieadkładnych mier dla azdaraŭleńnia. U takich umovach padtrymańnie kursa valuty akazvajecca mahčymym tolki za košt stvareńnia najvastrejšaha deficytu nacyjanalnych hrošaj», — miarkuje kandydat.
Inšaja prablema ekanomiki, na jaho dumku, datyčyć niapravilnaj padatkovaj sistemy. Ciareščanka prapanuje brać padatak na dadanuju vartaść z atrymanaha prybytku, a nie adrazu z syraviny.
Trecuju pryčynu słaboj ekanomiki kandydat bačyć u adsutnaści matyvacyi rabotnikaŭ pry kantraktnaj sistemie.
Ciareščanka kaža, što jahonaja meta — stabilizacyja valuty i ekanomiki. Ekanamist niazhodny, što adnosiny z Rasijaj musiać być pryjarytetnymi. Maŭlaŭ, treba adnolkava siabravać ź inšymi krainami, u tym liku ź Jeŭropaj.
Ciareščanka padkreślivaje, što jon nijaki nie sparynh-partnior Łukašenki, bo nie moža ŭžo znajści sabie 5 hadoŭ pracu.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary