U Minsku lidar kalafutbolnaj hrupoŭki i šerah jaje ŭdzielnikaŭ pryhavoranyja da doŭhich terminaŭ pazbaŭleńnia voli za chulihanstva i pryčynieńnie ciažkich cialesnych paškodžańniaŭ.
Jak paviedamlaje MUS Biełarusi, kala stancyi mietro «Hrušaŭka» poźnim viečaram 22 žniŭnia minułaha hoda piaciora nieviadomych źbili dvuch minčan. Naŭmysna, z chulihanskich mierkavańniaŭ, maładyja ludzi va ŭzroście 24—26 hadoŭ nanieśli achviaram mienš ciažkija i ciažkija cialesnyja paškodžańni z prymianieńniem teleskapičnych dubinak.
Supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS ustanavili, što da ŭčynieńnia hetaha złačynstva majuć dačynieńnie členy niefarmalnaha maładziožnaha kalafutbolnaha ruchu «Navaviłka». Hetaje abjadnańnie ŭvachodzić u adnu z fanackich płyniaŭ futbolnaha kłuba «Dynama» (Minsk).
U dačynieńni da złamyśnikaŭ była raspačata sprava pa prykmietach składu złačynstvaŭ pa č. 3 art. 339 KK (asabliva złosnaje chulihanstva) i č. 2 art. 147 KK (naŭmysnaje pryčynieńnie ciažkich cialesnych paškodžańniaŭ), abrana miera strymańnia ŭ vyhladzie ŭtrymańnia pad vartaj.
21 lipienia pavodle pryhavoru suda Maskoŭskaha rajona Minska lidaru hrupoŭki pryznačana pakarańnie ŭ vyhladzie pazbaŭleńnia voli terminam na 10 hadoŭ, trom aktyŭnym udzielnikam pa 9 hadoŭ i adnamu try hady.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii1
Kamientary