Darožna-transpartnaje zdareńnie adbyłosia dniom 19 žniŭnia na trasie Rakaŭ — Kurduny — Baravikoŭščyna pablizu vioski Juržyški ŭ Vałožynskim rajonie.
Pavodle papiaredniaj viersii, kiroŭca, minčanin 1988 hoda naradžeńnia, ruchajučysia na aŭtamabili «Falksvahien Kedzi», niapravilna vybraŭ biaśpiečnuju chutkaść ruchu, u vyniku čaho mašynu zaniesła i jana pierakuliłasia na prajeznaj častcy.
Syn kiroŭcy 2009 hoda naradžeńnia atrymaŭ cialesnyja paškodžańni, ad jakich pamior pa darozie ŭ balnicu.
Jak vyśvietliłasia, sam mužčyna i jaho žonka byli pryšpilenyja ramianiami biaśpieki, a dzicia znachodziłasia na zadnim siadzieńni aŭtamabila ŭ dziciačym bustery, pryčym toj nie byŭ zamacavany, a sam chłopčyk nie byŭ pryšpileny ramianiom biaśpieki.
Akramia taho, bahažnik aŭtamabila byŭ nahružany budaŭničymi materyjałami (draŭlanymi bruskami, doškami, instrumientami), i pry pierakulvańni aŭtamabila małaletni pasažyr atrymaŭ cialesnyja paškodžańni hetym hruzam, a zatym užo vypaŭ z sałona na prajeznuju častku.
Pa fakcie DTZ raspačata kryminalnaja sprava pa č.2 art. 317 KK.
Ciapier čytajuć
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony14
Kamientary