Rudy kot źjaviŭsia na vulicach Hrodna niekalki tydniaŭ tamu. Čaściej za ŭsio kata možna sustreć na vulicy Savieckaj, a taksama pobač z restaranam «Bakst». U kancy vieraśnia haradziency pačali aktyŭna publikavać videa z katom u tyktoku, piša Hrodna.life.
Niekatoryja haradziency pieražyvajuć, što žyviole moža pahražać SACH. I spadziajucca, što «papularnaść» u sacsietkach zrobić svaju spravu. «Viadoma, sabaku Baronu viadomaść nie asabliva dapamahaje. Znajšoŭsia čałaviek, jakomu jon pieraškadžaje ŭ parku», — napisała Iryna.
Miarkujučy pa kamientarach haradziencaŭ pad inšym videa, kot nie biezdahladny. U jaho jość haspadynia. Jak miarkujecca, fota ź joj vykłali ŭ kamientarach.
«Žyvuć u centry. Jon jaje časta supravadžaje», — napisała Iryna Pašpiekina
Haradžanie adznačajuć, što kot «łaskavy i ahresiŭny» adnačasova. Časam žyvioła dazvalaje siabie pahładzić, ale moža i ŭkusić.
«Artyst. Lubić publiku», — napisaŭ Marsy.
«Siadzić taki: hladzieć dazvalaju, na hetym usio», — kamientuje alinka.krauchuk.
«Pracuju ŭ centry. Realna kožny dzień baču», — raskazała Ksiuta1971.
«Kali kocik u našyjniku, to jon časta prychodzić u halereju Tyzienhaŭza pahulacca z halerejnym katom Łaŭrykam», — adznačyŭ 6 800 375o.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary