Trochbakovaja kantaktnaja hrupa ličyć nieabchodnym spynić ahoń na Danbasie da pačatku navučalnaha hoda, zajaviŭ pa vynikach praviedzienych 26 žniŭnia pieramovaŭ śpiecpradstaŭnik staršyni ABSIE Marcin Sajdzik.
«Trochbakovaja kantaktnaja hrupa ličyć važnym i nieabchodnym z ulikam pačatku novaha navučalnaha hoda damahčysia ŭstojlivaha spynieńnia ahniu na ŭsioj linii sudakranańnia», — skazaŭ dypłamat. Pavodle jaho słoŭ, baki damovilisia sumiesna pravieryć, «ci sapraŭdy jość ažyćciaŭleńnie dadzienaj inicyjatyvy».
«Ja rady, što ŭdzielniki rabočaj hrupy pa humanitarnych pytańniach damovilisia ab tym, što nieabchodna zrabić usio mahčymaje dla zabieśpiačeńnia maksimalnaj biaśpieki školnych ustanoŭ, raźmieščanych la linii sudakranańnia», — adznačyŭ Sajdzik. Jon paviedamiŭ, što z hetaj metaj baki da 1 vieraśnia abmianiajucca infarmacyjaj ab dakładnym miescaznachodžańni škoł, a taksama padaduć hetyja dadzienyja ABSIE.
Pradstaŭnik t.zv. ŁNR Uładzisłaŭ Dejnieha adznačyŭ: «Na siońnia jość nadzieja, što nam udasca spynić uzajemnyja abstreły. Pakul ŭsie baki vykazali namier prytrymlivacca hetaha terminu».
Kamientary