Bieražkoŭ pryznaŭsia ŭ kradziažy 1 młrd rubloŭ i hatovy prasić Łukašenku ab pamiłavańni
Były hienieralny mieniedžar minskaha «Dynama» Uładzimir Bieražkoŭ hatovy prasić ab pamiłavańni Alaksandra Łukašenku. Pra heta zajaviŭ načalnik hałoŭnaha śledčaha ŭpraŭleńnia Śledčaha kamiteta Respubliki Biełaruś Aleh Šandarovič.
Kažučy pra Maksima Subotkina, było adznačana, što jon stvaryŭ afilavanuju strukturu ZAT «Markietynh CHK «Dynama-Minsk», pryčym zrabiŭ heta bieź viedama Naziralnaj rady kłuba. Jon pryznačyŭ siabie kiraŭnikom hetaj struktury, zamoviŭšy ŭ jaje ad imia kłuba kansałtynhavyja pasłuhi na sumu 400 miljonaŭ rubloŭ. Pa sutnaści, pasłuhi dla CHK «Dynama-Minsk» vykonvali sami jaje supracoŭniki. Subotkin pryznaŭ niepravamocnaść hetych dziejańniaŭ.
Što tyčycca Uładzimira Bieražkova, to jon, pa słovach śledstva, fiktyŭna uładkavŭ na pracu svajho znajomaha, praz zarpłaty i premii jakoha vyvieŭ z kłuba bolš za 1 miljard rubloŭ. Hrošy zdymaŭ z kartki sam Bieražkoŭ. Spačatku jon zajaviŭ, što chacieŭ vydatkavać hetyja srodki na ramont kvatery, ale zatym źmianiŭ svaje pakazańni.
Pa słovach Šandaroviča, Bieražkoŭ supracoŭničaje sa śledstvam. Na jaho rachunku ŭ banku aryštavanyja 1 młrd 800 młn rubloŭ. Z hetych srodkaŭ funkcyjanier i źbirajecca viarnuć inkryminavanuju śledstvam sumu. Adznačajecca, što 133 młn rubloŭ Bieražkoŭ ŭžo viarnuŭ. Aficyjny hadavy dachod byłoha hienieralnaha mieniedžara praz zarobki i premii składaŭ bolš za 1 młrd rubloŭ.
Kamientary