Dvoje maładych ludziej zahinuli ŭ łabavym sutyknieńni na trasie M6 kala aeraporta Hrodna, paviedamili ŭ centry ahitacyi i prapahandy DAI UUS Hrodzienskaha abłvykankama.
Avaryja adbyłasia ŭ niadzielu kala 23:00 niepadalok ad pavarotu na hrodzienski aeraport na pramym učastku trasy M6.
Try lehkavyja aŭtamabili — «Sitrajen», «Aŭdzi» i «Nisan» — stali ŭdzielnikami surjoznaha sutyknieńnia. Pieršyja dva aŭtamabili ad udaru pieratvarylisia ŭ hrudu mietałałomu. Na miescy zahinuli dvoje kiroŭcaŭ — žychar Hrodna 1985 hoda naradžeńnia i žychar Lidy 1983 hoda naradžeńnia.
Debłakavać zahinułych z paškodžanych aŭtamabilaŭ pryjšłosia vyratavalnikam.
Kiroŭca, jaki znachodziŭsia ŭ «Nisanie», nie paciarpieŭ, ale traŭmavanaja jaho pasažyrka 1993 hoda naradžeńnia, joj akazali miedycynskuju dapamohu.
Abstaviny zdareńnia vyśviatlajucca, viadziecca raźbiralnictva, pryznačanyja roznyja ekśpiertyzy.
Pavodle papiaredniaj infarmacyi MUS, žychar Hrodna na «Sitrajenie» vyjechaŭ na pałasu sustrečnaha ruchu i sutyknuŭsia z «Aŭdzi», jakim kiravaŭ žychar Lidy. Adnak, jak udakładnili ŭ DAI, pakul dakładna niezrazumieła, jaki z aŭtamabilaŭ ruchaŭsia pa sustrečcy na čatyrochpałosnaj darozie z šyrokaj padzialalnaj pałasoj.
Hety momant, jak i inšyja pryčyny avaryi, treba budzie vyśvietlić śledčym. DAI prosić vidavočcaŭ avaryi dapamahčy va vyjaśnieńni abstavinaŭ trahiedyi.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary