Rasija nie budzie naroščvać zdabyču nafty, uličvajučy padzieńnie suśvietnych cen, zajaviŭ vice-premjer RF Arkadź Dvarkovič.
«Pry ciapierašnich cenach na naftu całkam naturalna źnižajecca abjom inviestycyj u ciažkadastupnyja radoviščy, u asobnyja novyja prajekty, i heta niepaźbiežna paciahnie za saboj, prynamsi, nie pavieličeńnie. Moža być, jana i nie budzie padać, choć nievialikaje źnižeńnie zaŭsiody mahčyma, ale pavieličeńnie naŭrad ci budzie», — skazaŭ jon žurnalistam.
Pry hetym Dvarkovič nie vyklučyŭ, što kali košty na naftu doŭha buduć trymacca na nizkim uzroŭni, «budzie niekatoraje źnižeńnie zdabyčy, jak heta było raniej». «Tym nie mienš, surjoznych spadaŭ ja nie baču», - zajaviŭ vice-premjer.
Napiaredadni Arhanizacyja krain-eksparcioraŭ nafty (APIEK) apublikavała štomiesiačny biuleteń, u jakim śćviardžajecca, što ŭ APIEK nie bačać varyjantaŭ chutkaha vyrašeńnia prablem naftavaha rynku. U arhanizacyi vykazali hatoŭnaść pravodzić pieramovy z krainami, što zdabyvajuć naftu i pry hetym nie ŭvachodziać u APIEK, dla stabilizacyi suśvietnych cenaŭ.
Pa dadzienych ahienctva Błumbierh, u žniŭni APIEK pavialičyła zdabyču jašče na 108 tys. baralaŭ, da 32,3 młn baralaŭ u sutki.
U aŭtorak, 1 vieraśnia, nafta marki Brent patańnieła na 2,6% - da 52,7 dalaraŭ.
Što zapisana aficyjnaj pryčynaj śmierci adzinaha syna Jarmošynaj?9
Kamientary