CVK zarehistravała čatyroch kandydataŭ u prezidenty
14:14
Pasiadžeńnie skončanaje.
14:13
Łukašenka ŭžo prezientavaŭ śpis 30 davieranych asob. Cikava, chto sioleta tudy ŭvojdzie? Akazałasia, što padali taksama i Karatkievič, i Hajdukievič. Nie padaŭ śpis svaich davieranych asob pakul tolki Ułachovič.
14:10
Televystupy Taćciany Karatkievič adbuducca: 17 vieraśnia i 24 vieraśnia.
Radyjo: 25 vieraśnia (6:10-6:40) i 2 kastryčnika (6:40-7:10).
14:08
Siarhiej Hajdukievič budzie vystupać na TB 15 vieraśnia i 25 vieraśnia.
Na radyjo: 23 vieraśnia (6:10—6:40) i 30 vieraśnia (6:10—6:40).
14:04
Buduć zaraz raźmiarkoŭvać efirny čas kandydataŭ. Budzie adbyvacca losavańnie. Kandydaty zmohuć vystupić dvojčy pa telebačańni i radyjo. Vystup abmiežavanyja 30 chvilinami. Čas — 19:30.
Na radyjo kandydaty zmoh vystupić tolki ranicaj, jašče da 7 hadziny.
14:02
Abmiarkoŭvajecca pytańnie, jak budzie vyhladać biuleteń dla hałasavańnia.
14:00
Michaił Orda vyrašyŭ padyści da mikrafona: «Ludzi staviacca da vybaraŭ nieraŭnadušna. Łukašenku akazanaja biesprecedentnaja padtrymka. Podpisy za jaho stavili jak za mudraha palityka. Jon nikoli nie sychodziŭ ad adkaznaści».
13:58
Doŭha-doŭha havaryli, kab pryjści da vyvadu, što pryčyn admaŭlać u rehistracyi Łukašenku niama. A vy jak dumali?
Łukašenka zarehistravany.
13:54
Orda pačaŭ apraŭdvacca adnosna płakataŭ Łukašenki padčas zboru podpisaŭ. «Na hetych płakatach nie było łozunhaŭ i ahitacyjnych materyjałaŭ. Vyrableny jon za košt hramadskich srodkaŭ FPB».
Jarmošyna paćviardžaje, što partrety na zbory podpisaŭ možna było vykarystoŭvać.
13:51
Łukašenka padaŭ nie tolki svaju dekłaracyju ab dachodach, ale i žončynu. CVK nie znajšła parušeńniaŭ.
Ciapier CVK budzie razhladać skarhu Partyi BNF ab nierehistracyi Łukašenki praz šmatlikija parušeńni.
Jarmošyna kaža, što parušeńni nie paćvierdžanyja.
13:46
Ułachovič tradycyjna dziakuje ludziam, što za jaho raśpisvalisia. «Ja viedaju ekanomiku nie pa padručnikach, liču siabie mocnym haspadarnikam. Ja spadziajusia, što pryniasu karyść Radzimie. Nie takaja prostaja situacyja ŭ nas».
13:44
Za rehistracyju Ułachoviča jašče nie prahałasavali, a jon užo kinuŭsia atrymlivać paśviedčvańnie.
13:43
U Lidzii Jarmošynaj novyja akulary, zaŭvažyŭ fatohraf «NN» Siarhiej Hudzilin.
13:43
«Mianie padtrymlivaje ahramadnaja kolkaść ludziej, — kaža Hajdukievič. — Paradak u krainie — heta dastatak doma. Ja za mocnuju, mirnuju Biełaruś».
13:41
Zarehistravany lidar ŁDPB Siarhiej Hajdukievič.
13:39
U dekłaracyjach Hajdukieviča jość pamyłki. Dachod Hajdukievič za minuły hod skłaŭ 263 158 324 rubloŭ. Jon nie ŭkazaŭ kala 6 miljonaŭ prybytkaŭ. Taksama pamyliłasia i žonka Siarhieja Vasiljeviča. Ale pamyłki składajuć mienš za 20%, tamu padstavaŭ admaŭlać u rehistracyi niama, kaža Jarmošyna.
Lidzija Jarmošyna ŭručaje paśviedčańnie kandydata Taćcianie Karatkievič.
13:38
«Łukašenka stamiŭsia. Jamu varta adpačyć», — skazała naprykancy Karatkievič.
Pramaŭlała jana dastatkova dobra, faktyčna nie chvalavałasia.
13:37
Taćciana Karatkievič havoryć pa-rusku. Jana dziakuje svajoj kamandzie.
«Ja hanarusia, što ja — adzinaja demakratyčnaja alternatyva, ja pradstaŭlaju ludziej, što chočuć mirnych pieramien. Ułada pavinna mianiacca. Mianiacca mirna», — kaža Karatkievič.
Kandydatka kaža, što jakaść žyćcia tolki paharšajecca, a Alaksandr Łukašenka nie vykanaŭ abiacańnia 1000 dalaraŭ zarobku. «Kali my dadzim jašče 5 hadoŭ hetaj uładzie, to tolki pahoršym situacyju».
13:34
Karatkievič zarehistravanaja. Pieršaja žančyna-kandydat u historyi prezidenckich vybaraŭ u Biełarusi jość.
13:33
«Kandydatura Taćciany Mikałajeŭny całkam adpaviadaje patrabavańniem, nijakich parušeńniaŭ nie vyjaŭlena», — kaža Łazavik.
13:30
Pieršaj buduć rehistravać Taćcianu Karatkievič. Jaje pradstaŭlaje sakratar CVK Mikałaj Łazavik. Jon uśmichajecca Taćcianie Karatkievič, vielmi pryjazna nastrojeny.
13:29
Siarhiej Skrabiec chacieŭ skazać repliku adnosna nierehistracyi Viktara Ciareščanki. Jarmošyna nie dazvoliła, bo niama daviedki, što jon pradstaŭnik Ciareščanki.
Viktaru Ciareščanku admoŭlena ŭ rehistracyi.
13:25
Niejak mierapryjemstva zaciahvajecca. Šmat pustych ličbaŭ ahučvajecca.
13:19
Ciapier u rehistracyi buduć admaŭlać Viktaru Ciareščanku.
13:18
Pałymianaja pramova nie dapamahła. Ramanoŭskaj admovili ŭ rehistracyi. Jarmošyna kaža, što rašeńnie jašče možna abskardzić.
13:16
Jość dźvie pryčyny, čamu nie vyrašajucca prablemy ludziej: «Albo prezident nie viedaje, albo nie choča dapamahać. I toje, i toje niedapuščalna», — kaža jana.
13:14
Ciapier Ramanoŭskaja krytykuje biełaruskaje zakanadaŭstva. Kaža, što ŭ jaje skrali kvateru. Vinavacić Minharvykankam. «Ja spadziavałasia, što budu pravodzić prezidenckuju kampaniju sa svajoj kvatery».
Jarmošyna pačynaje ŭžo asadžvać Ramanoŭskuju.
13:12
«U internecie ja raźmiaściła klip «Malitva», jaki adlustroŭvaje maje pačućci», — kaža Ramanoŭskaja. Čytaje «Pahoniu» Bahdanoviča. U zale zaŭvažnaje abudžeńnie, Ramanoŭskaja znatna dastaŭlaje.
13:10
Ramanoŭskaja la mikrafona! «Ja nie zvykła čytać, što pišuć na płocie, ja chaču atrymać aficyjny dakumienty». Jana dziačyć usim, chto jaje padtrymaŭ padčas kampanii. Usim 729 ludziam.
13:07
Pieršaj razhladajuć zajavu ab rehistracyi Žanny Ramanoŭskaj.
Jana sabrała krychu bolš za 700 podpisaŭ, ale nie adčajvajecca i choča być zarehistravanaj. Ramanoŭskaja siadzić pobač z Ułachovičam.
13:03
Oj, nu narešcie sumnyja ličby skončylisia. Zaraz budzie samaje cikavaje.
13:01
Andrej Dźmitryjeŭ vyrašyŭ ździvić publiku svaimi škarpetkami. Fota tut.by.
12:57
Kažuć, što ŭ Minsku za Ciareščanku źbirała podpisy nie bolš za 20 čałaviek. Usich sabak vyrašyli paviesić na adnaho Ciareščanku.
12:54
Pradstaŭnik CVK pa Minsku kaža, što Anatol Labiedźka parušaŭ zakanadaŭstva, razdavaŭšy ahitacyjnyja materyjały.
12:52
«U CVK nas tut vyrašyli zamučyć statystykaj. Luta dakazvajuć, što Łukašenka ledź nie asabista ŭsio sabraŭ, a va ŭładzie jaho ŭžo nastolki nie padtrymlivajuć, što admovilisia jamu dapamahać i administracyjny resurs prastojvaŭ. A voś Ciareščanka usich aburyŭ. Kožny małocić», — napisaŭ u fejsbuku kiraŭnik inicyjatyŭnaj hrupy Taćciany Karatkievič Andrej Dźmitryjeŭ.
12:50
Viktar Ciareščanka paćvierdziŭ fakt źniknieńnia kiraŭnika jaho inicyjatyŭnaj hrupy Aleha Nieściarkova. Kaža, što nie bačyŭ jaho ad dnia atručvańnia.
12:48
Adzin zborščyk podpisaŭ za Ciareščanku «sabraŭ» u Mahilovie bolš za 400 podpisaŭ za dzień. Pradstaŭnik CVK nazyvaje heta «hraznymi technałohijami».
12:46
Pradstaŭnik CVK pa Mahiloŭskaj vobłaści raduje sakavitaj trasiankaj. A jašče słova «ekśpiert» jon vymaŭlaje z naciskam na pieršy skład.
Raskazvaje, jaki kiepski Viktar Ciareščanka. Praktyčna ŭsie podpisy hetaha vyłučenca pryznanyja niesapraŭdnymi.
12:45
Radyjo «Svaboda» pieradaje, što da budynka CVK pryjšło kala 15 prychilnikaŭ Taćciany Karatkievič. Uźniali bieł-čyrvona-biełyja ściahi.
12:40
Łazavik kaža, što varta zrabić etap zboru podpisaŭ jašče bolš libieralnym, kab kandydaty mahli lahčej sabrać nieabchodnuju kolkaść podpisaŭ. Ale jašče isnujuć peŭnyja jurydyčnyja pieraškody, jakija ŭ budučyni buduć skasavanyja, upeŭnieny sakratar CVK Łazavik.
12:33
Pradstaŭnik CVK pa Hrodzienskaj vobłaści taksama pierakonvaje, što parušeńniaŭ zboru podpisaŭ za Alaksandra Łukašenku niama. Zastałosia jašče dźvie vobłaści i horad Minsk.
12:26
U Mikaševičach była skarha, što na pradpryjemstvie «Hranit» podpisy za Łukašenku źbiralisia z parušeńniem zakanadaŭstva, vykarystańniem administracyjnaha resursu. Pradstaŭnik CVK pierakonvaje, što ŭsio było sumlenna.
12:18
Na stale ŭ CVK lažać paśviedčańni ab rehistracyi čatyroch kandydataŭ u prezidenty — Hajdukieviča, Karatkievič, Łukašenki i Ułachoviča. Niečakanaściaŭ nie budzie.
12:14
My sprabavali patelefanavać Viktaru Ciareščanku, kab spraŭdzić infarmacyju ab źniknieńni Aleha Nieściarkova, ale mabilny spadara Ciareščanki adklučany.
12:12
Praciahvajuć ahučvać ličby pradstaŭniki CVK pa abłaściach. Mała cikava.
12:10
Varta adznačyć, što kala CVK dziažuryć niekalki dziasiatkaŭ prychilnikaŭ Siarhieja Hajdukieviča.
12:06
Pradstaŭnik CVK pa Bresckaj vobłaści Kalada rapartuje, što vybary prachodziać zhodna z zakanadaŭstvam. Kaža, što va ŭsich rajonach źbirali podpisy Łukašenka i Karatkievič.
Što tyčycca podpisaŭ za Ciareščanku, to niesapraŭdnymi pryznanyja ad 35 da 40% podpisaŭ. Podpisy byli ad niesapraŭdnych asob, vybarcy nie zarehistravanyja pa miescy pražyvańnia.
12:04
Jarmošyna havoryć ab patrabavańni Partyi BNF nie rehistravać Alaksandra Łukašenku. Abiacajuć razhledzieć skarhu.
Mocna źmianiŭsia z tvaru namieśnik Lidzii Jarmošynaj Mikałaj Łazavik (na fota źleva), vidać, pieranios ciažkuju chvarobu.
12:01
Pačałosia pasiadžeńnie. Biez zatrymak. Pačała havaryć Lidzija Jarmošyna.
12:00
U kułuarach pieramaŭlajucca, što źnik kiraŭnik inicyjatyŭnaj hrupy Viktara Ciareščanki Aleh Nieściarkoŭ. Na suviaź jon nie vychodzić užo tydzień. U Nieściarkova niama ni dziaciej, ni žonki, tamu niemahčyma spraŭdzić jaho znachodžańnie. Ludzi ad Ciareščanki taksama prysutničajuć na rehistracyi.
11:58
Voś i Taćciana Karatkievič pryjšła ŭ zału razam z kiraŭnikom svajoj inicyjatyŭnaj hrupy Andrejem Dźmitryjevym.
Karatkievič zaniała miesca pamiž Hajdukievičam i Ordaj. Ułachovič z Vobrazavym siadziać ź inšaha boku.
11:56
Kiraŭnik inicyjatyŭnaj hrupy Ułachoviča Mikałaj Vobrazaŭ adrazu padyšoŭ da Siarhieja Hajdukieviča i Michaiła Ordy. «Vinšuju», — skazaŭ jon, cisnučy ruki.
11:53
Hetym razam rehistracyja adbyvajecca ŭ budynku CVK, a nie Pałacy Respubliki, jak u 2010 hodzie. Mienšy razmach. Dyj kandydataŭ zaŭvažna mieniej.
Źjavilisia Mikałaj Ułachovič i Siarhiej Hajdukievič. Inicyjatyŭnuju hrupu Łukašenki pradstaŭlaje jaje kiraŭnik Michaił Orda.
Taćciany Karatkievič pakul nie bačna. Zatoje pryjšła Žanna Ramanoŭskaja, jana nie zdoleła sabrać 100 tysiač podpisaŭ, ale ŭsio adno padaje dakumienty na rehistracyju.
Kamientary