Pieršaja namieśnica ministra infarmacyi Biełarusi Lilija Ananič zajaviła, što adkaznaść u internet‑ŚMI za raspaŭsiud infarmacyi musić być takoj samaj, što i drukavanych ŚMI, ale pryznała, što internet — «składany sehment infarmacyjnaha pola», jaki «ciažka prakantralavać i zarehistravać uvieś u cełym jak taki».
Lilija Ananič |
Pieršaja namieśnica ministra infarmacyi Biełarusi Lilija Ananič zajaviła, što adkaznaść u internet‑ŚMI za raspaŭsiud infarmacyi musić być takoj samaj, što i drukavanych ŚMI.
«Nia ŭsie sajty pracujuć jak srodki masavaj infarmacyi. Adna sprava — raspaŭsiudžvać infarmacyju pra tavary, inšaja — farmavać infarmacyjny i analityčny blok. U druhim vypadku internet‑ŚMI musiać mieć takija ž samyja pravy i abaviazki, jak i ŭsie ŚMI ŭ adpaviednaści z zakanadaŭstvam pra druk», — zajaviła Lilija Ananič.
Pry hetym Lilija Ananič pryznała, što internet — «składany sehment infarmacyjnaha pola», jaki «ciažka prakantralavać i zarehistravać uvieś u cełym jak taki».
Pieršaja namieśnica ministra infarmacyi raskazała, što pytańnie pra zakanadaŭčaje rehulavańnie internet‑ŚMI ŭ Biełarusi prapracoŭvajecca siońnia na ŭzroŭni ekspertaŭ. Lilija Ananič paviedamiła, što dla rehulavańnia dziejnaści internet‑ŚMI mohuć być uniesienyja papraŭki ŭ dziejnyja zakony, albo pryniaty novy narmatyŭny akt, pieradaje BiełTA.
«Ja nie hatovaja adkazać, kali kankretna moža adbycca dadzienaja karekciroŭka zakanadaŭstva. Ale možna ličyć hlebu hatovaj dla taho. kab pracavać dalej nad temaj rehulavańnia ŭzajeminaŭ u hetaj sfery», — skazała Lilija Ananič.
Ciapier čytajuć
Ministr suviazi: Abmiežavańni mabilnaha internetu zakranuć 1,7 miljona biełarusaŭ1
Kamientary