Lidary krain ADKB na pasiadžeńni ŭ vuzkim składzie damovilisia aptymizavać Arhanizacyju Damovy ab kalektyŭnaj biaśpiecy. Pra heta zajaviŭ siońnia Alaksandr Łukašenka na plenarnym pasiadžeńni Rady kalektyŭnaj biaśpieki ADKB u Dušanbe.
president.gov.by
«My damovilisia, što, kali treba, padkarektujem u bližejšy čas našy statutnyja dakumienty i aptymizujem našu arhanizacyju. Pryčynaj — abvastreńnie situacyi na miežach vakoł dziaržaŭ Arhanizacyi Dahavora ab kalektyŭnaj biaśpiecy. To bok, hetaja arhanizacyja stanovicca samaj zapatrabavanaj arhanizacyjaj na postsavieckaj prastory», — skazaŭ kiraŭnik Biełarusi.
Na dumku Alaksandra Łukašenki, ahulnymi dla ŭsich krain-sajuźnikaŭ zastajucca źniešnija ryzyki i pahrozy. «Vyklikajuć aściarohi rastučy ŭzrovień ekstremizmu, upłyŭ mižnarodnych terarystyčnych hrupovak. Siońnia my sutykajemsia z eskałacyjaj napružanaści ŭ zonach kanfliktaŭ, adkrytymi vajennymi dziejańniami i źjaŭleńniem novych ačahoŭ niestabilnaści, u tym liku kala našych miežaŭ. Jak śledstva hetaha — hibiel ludziej, razbureńnie dziaržaŭ, źbiadnieńnie narodaŭ i biesprecedentnyja patoki biežancaŭ i nielehalnych mihrantaŭ», — kanstatavaŭ biełaruski lidar.
Alaksandr Łukašenka adznačyŭ, što ŭ čas sustrečy ŭ vuzkim składzie prezidenty kompleksna razhledzieli najbolš važnyja napramki raźvićcia ADKB i adkarektavali płany pracy na budučyniu.
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»9
Kamientary