Nacbank uziaŭsia za dedalaryzacyju: mahčymaści vykarystańnia valuty ŭ Biełarusi abmiežavanyja

Nacbank unios źmianieńni i dapaŭnieńni ŭ Praviły praviadzieńnia valutnych apieracyj, zaćvierdžanyja pastanovaj praŭleńnia №72 ad 30 krasavika 2004 hoda, skaraciŭšy mahčymaść vykarystańnia zamiežnaj valuty ŭ raźlikach na terytoryi krainy.

Pavialičyć

Tekst pastanovy praŭleńnia Nacbanka № 515 ad 26 žniŭnia apublikavany na Nacyjanalnym pravavym partale, dakumient ustupaje ŭ siłu z 16 vieraśnia.

Pastanovaj №515, u pryvatnaści, vyklučajecca vykarystańnie zamiežnaj valuty pry ažyćciaŭleńni raźlikaŭ pamiž jurydyčnymi asobami — rezidentami z udziełam rezidentaŭ svabodnych ekanamičnych zon i pry ažyćciaŭleńni raźlikaŭ pa asobnych vidach dahavoraŭ strachavańnia, adznačana ŭ kamientary rehulatara.

Źmieny zakranuli i raźliki ŭ zamiežnaj valucie z udziełam fizičnych asob.

U pryvatnaści, nie dapuskajecca vykarystańnie zamiežnaj valuty pry pryjomie jurasobami ad fizičnych asob zamiežnaj valuty dla apłaty dypłamatyčnych i inšych aficyjnych pradstaŭnictvaŭ zamiežnych dziaržaŭ konsulskich i inšych zboraŭ pa afarmleńni dakumientaŭ dadzienych fizičnych asob. Pry hetym zachavana mahčymaść pryjomu zamiežnaj valuty ad fizičnych asob niepasredna dypłamatyčnymi i inšymi aficyjnymi pradstaŭnictvami zamiežnych dziaržaŭ.

U Nacbanku padkreślili, što dla zaviaršeńnia vykanańnia abaviazacielstvaŭ pa dahavorach, jakija byli zaklučany ŭ zamiežnaj valucie i vykanańnie abaviazacielstvaŭ pa jakich było pačata da 16 vieraśnia 2015 hoda, raźliki ŭ valucie dapuskajucca da 31 śniežnia hetaha hoda.

«Pry hetym nie dapuskajecca zaklučeńnie dadatkovych pahadnieńniaŭ da nazvanych dahavorach, jakija pavialičvajuć sumu abaviazacielstvaŭ u zamiežnaj valucie i terminy dziejańnia hetych dahavoraŭ. Subjektam valutnych apieracyj varta pryvieści raniej zaklučanyja dahavory ŭ adpaviednaść z patrabavańniami valutnaha zakanadaŭstva», — havorycca ŭ kamientary Nacbanka, jaki listom ad 15 vieraśnia ŭžo davioŭ hetuju infarmacyju da bankaŭ.

Pastanovaj № 515 taksama vyznačana, što nataryusy, jakija ažyćciaŭlajuć nataryjalnuju dziejnaść u nataryjalnych biuro, i advakaty, jakija pracujuć indyvidualna, ažyćciaŭlajuć valutnyja apieracyi ŭ paradku, ustanoŭlenym dla jurydyčnych asob-rezidentaŭ.

«U metach urehulavańnia pytańniaŭ, źviazanych z ažyćciaŭleńniem raźlikaŭ u biełaruskich rublach, vyklikanych źmienaj zakanadaŭstva ab paradku adkryćcia i dziejnaści pradstaŭnictvaŭ zamiežnych jurydyčnych asob, ustanoŭlena mahčymaść adkryćcia nierezidentami rachunkaŭ u biełaruskich rublach biez rehistracyi na terytoryi Biełarusi svaich pradstaŭnictvaŭ», — adznačyli ŭ NBB.

• 0
• 0
• 0
• 0
• 0
• 0
• 0
• 0