33-hadovy biełaruski kikbaksior-čempijon pamior ad redkaj ankałohii
Cimur Buraŭ byŭ šaścirazovym čempijonam Biełarusi pa muaj-taj i tajskim boksie. «Adrazu pajšoŭ u carkvu, a ŭžo potym — lačycca. Zapozna», — raskazali «Našaj Nivie» jaho siabry.
Cimur Buraŭ — člen nacyjanalnaj zbornaj pa tajskim boksie i kikboksinhu (2009—2016), šmatrazovy finalist kubkaŭ śvietu i čempijanataŭ Jeŭropy, čempijon Estonii i Łatvii, šaścirazovy čempijon Biełarusi pa kikboksinhu i tajskim boksie.
Heta čałaviek z zornaj plejady biełaruskich kikbaksioraŭ pačatku 2010-ch. Mnohija ź ich, darečy, takija, jak Siarhiej Skiba, Vital Hurkoŭ, Jaŭhien Łašeŭski ŭ vyniku apynulisia ŭ emihracyi.
Buraŭ pamior na minułym tydni ad redkaj ankałohii limfatyčnaj sistemy. Z momantu pastanoŭki dyjahnazu prajšło trochu bolš za paŭhoda.
Adnakłubniki chłopca žuracca na jahony padychod da dziejańniaŭ paśla atrymańnia naviny.
«Adrazu pajšoŭ u carkvu, a ŭžo potym — lačycca. Zapozna», — skazaŭ adzin z adnakłubnikaŭ Cimura.
Raniej ad hetaj ža chvaroby pamierła małodšaja siastra Burava.
Buraŭ apošni čas pracavaŭ trenieram. Daŭno žanaty z Alenaj Laškievič, piacirazovaj čempijonkaj śvietu pa tajskim boksie.
* * *
Limfatyčnaja ankałohija — heta rak, jaki paražaje kletki i tkanki limfatyčnaj sistemy, uklučajučy limfavuzły i sielazionku. Čaściej za ŭsio havorka idzie pra limfomu, jakaja moža praciakać jak pavolna, tak i ahresiŭna. Važna pamiatać, što rańniaje vyjaŭleńnie chvaroby istotna pavyšaje šancy na paśpiachovaje lačeńnie.
Dla prafiłaktyki rekamiendujecca vieści zdarovy ład žyćcia, padtrymlivać imunnuju sistemu i prachodzić rehularnyja miedycynskija ahlady.
Asablivuju ŭvahu varta źviartać na źmieny ŭ pamierach limfavuzłoŭ, niazvykłuju stomlenaść abo patlivaść nočču.
Pry źjaŭleńni simptomaŭ (nieabaviazkova źviazanych z bolem, ale — niecharakternych da taho) treba nieadkładna źviartacca da doktara i praviaracca, navat kali vaš terapieŭt nie bačyć u hetym sensu.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Jak praviaracca, kali ty nie maješ miedyčnaj adukacyi i nie viedaješ, jakija tabie patrebnyja abśledavańni i analizy? A paliklinika kaža, što "pakazańniaŭ" dla tych abśledavańniaŭ, jakija prosiš ty, "niama". I nie daje napravlenije.
A Iryna Abielskaja prainśpiektavała ŭsie palikliniki i skazała, što ŭsio pravilna, tak i treba rabić.
A potym ludzi mruć ad raka ŭ 33 hady.