U Hiermanii zabili aŭtarku biestseleraŭ pra ruskich, kijaŭlanku Alaksandru Frolich
Piśmieńnica pamierła ad udaru tupym pradmietam u svaim płyvučym domie. Alaksandra Frolich atrymała viadomaść dziakujučy ramanu «Maja ruskaja śviakroŭ i inšyja katastrofy». Raniej jana žyła i pracavała ŭ Kijevie, piša Deutsche Welle.
U Hamburhu zabita viadomaja piśmieńnica Alaksandra Frolich, jakaja stała šyroka viadomaj paśla vydańnia ramana «Maja ruskaja śviakroŭ i inšyja katastrofy» i jaho praciahu «Padarožžy z ruskimi».
Pryčynaj śmierci 58-hadovaj žančyny stała traŭma ad udara tupym pradmietam.
Padazravany ŭ zabojstvie pakul nie ŭstanoŭleny, śledstva praciahvajecca. Telekanał NDR udakładniaje, što ŭ pole zroku pravaachoŭnikaŭ trapiŭ blizki svajak Frolich. U palicyi Hamburha taksama paćvierdzili, što piśmieńnicu znajšoŭ miortvaj ranicaj 22 krasavika adzin ź jaje synoŭ u płyvučym domie, dzie jana pražyvała.
Focus Online nazyvaje Alaksandru Frolich adnoj z samych paśpiachovych niamieckich piśmieńnic apošnich hadoŭ.
Paśla vydańnia ŭ 2012 hodzie ramana «Maja ruskaja śviakroŭ i inšyja katastrofy», jaki trapiŭ u śpis biestseleraŭ Der Spiegel, Frolich raspaviadała, što tvor zasnavany na jaje asabistym dośviedzie zamužža.
Baćkam dvuch z troch synoŭ piśmieńnicy byŭ vychadziec z Rasii, ź jakim Frolich paźniej rasstałasia. U 2016 hodzie vyjšaŭ jašče adzin raman Frolich «Śmierć niepaźbiežnaja», a ŭ 2019 hodzie — «Škilety ŭ šafie».
Akramia piśmieńnickaj dziejnaści, jana taksama pracavała pazaštatnaj aŭtarkaj u niamieckich ŚMI, u tym liku ŭ Der Stern, Petra i Freundin. Pry hetym svaju žurnalisckuju karjeru Frolich pačynała ŭ Kijevie, dzie raźvivała žanočyja časopisy.
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija22
Kamientary