U Vaŭkavyskim rajonie na śmietniku bamžy zładzili bojku, u pracesie jakoj u chod pajšoŭ nož. U vyniku ŭ špitali ź ciažkimi cialesnymi paškodžańniami ŭ vyhladzie pranikalnaj kołata-rezanaj rany hrudnoj kletki apynułasia žančyna 1991-ha hoda naradžeńnia. Ciapier jaje žyćciu ništo nie pahražaje.
Pra vypadak paviedamiła UUS Hrodzienskaha abłvykankama.
Pra padrabiaznaści incydentu paviedamiŭ namieśnik načalnika adździaleńnia kryminalnaha vyšuku Vaŭkavyskaha RAUS major milicyi Stanisłaŭ Klimek.
Kanflikt pamiž asobami biez peŭnaha miesca žycharstva i rodu zaniatkaŭ, pradstaŭnicami słabaha połu, uźnik z-za čarhovaści pa sartavańni tolki što pryviezienych na śmietnik bytavych adkidaŭ.
Kožnaja ź ich chacieła być pieršaj.
Słoŭnaja svarka skončyłasia tym, što žančyny stali valać adna adnu ŭ brudzie, i vierch atrymała bolš maładaja. Sieŭšy źvierchu na pieramožanuju, jana praciahvała ŭtrymlivać jaje na ziamli, kali adčuła vostry bol u hrudziach. Heta muž pavalenaj damy paśla prośbaŭ adpuścić žonku tknuŭ tuju nažom u žyvot.
Kryminalnaja sprava zaviedziena pa č.1 art.147 KK RB «naŭmysnaje pryčynieńnie ciažkaha cialesnaha paškodžańnia».
Ciapier čytajuć
Danosčycu Volhu Bondaravu adličyli ź Pieduniviersiteta paśla 13 sutak na Akreścina20
Kamientary