Za hod 30 bujnych biełaruskich najmalnikaŭ zvolnili bolš jak 17 tysiač rabotnikaŭ. Heta vynikaje sa spravazdačy pra dziejnaść adkrytych akcyjaniernych tavarystvaŭ za II kvartał 2015 hoda, jakuju apublikavała na svaim sajcie Ministerstva finansaŭ.
Samyja masavyja skaračeńni rabotnikaŭ adbylisia ŭ mašynabudaŭničaj halinie. U AAT «MAZ» zvolnili 2.300 čałaviek, AAT «MTZ» — 1.756, AAT «BiełAZ» — 1.195, AAT «Homsielmaš» — 1.073.
Značnyja skaračeńni adbylisia taksama na najbujniejšych pradpryjemstvach kalijnaj, naftachimičnaj i budaŭničaj halin. Tak, u AAT «Biełaruśkalij» za hod skaracili 1.187 čałaviek, AAT «Naftan» — 1.141, AAT «Biełšyna» — 1.434, AAT «MAPID» — 847.
Jak tłumačać ekśpierty, pradpryjemstvy vymušany skaračać piersanał z-za niespryjalnaj situacyi na źniešnich rynkach. Jak praviła, biełaruskaja pradukcyja nie znachodzić zbytu ŭ Rasii, tamu zavody skaračajuć abjomy vytvorčaści. Heta, u svaju čarhu, padšturchoŭvaje kiraŭnictva pradpryjemstvaŭ da pieravodu supracoŭnikaŭ na niapoŭny pracoŭny tydzień abo da skaračeńniaŭ.
«Kali raniej, pry bolš ci mienš dobraj kanjunktury na źniešnich rynkach, kali zbyt byŭ bolš ci mienš zabiaśpiečany, pradpryjemstvy z sacyjalnych mierkavańniaŭ mahli trymać lišniuju častku pracoŭnaj siły, to ciapier situacyja nastolki pahoršyłasia, što pradpryjemstvy ŭžo nie mohuć ciahnuć hety bałast, tamu pačali jaho rasčystku», — adznačaŭ raniej u kamientary BiełaPAN staršynia Biełaruskaj navukova-pramysłovaj asacyjacyi Alaksandr Šviec.
Ciapier čytajuć
«My ŭsie hasudaravy ludzi». Karanik na raźvitańnie zajaviŭ pra svaju viernapaddanaść4
Kamientary