Kiraŭnik dziaržavy Alaksandr Łukašenka ŭ čas rabočaha vizitu ŭ Złučanyja Štaty Amieryki (Ńju-Jork) 26 vieraśnia naviedaŭ Nacyjanalny miemaryjał «11 vieraśnia» — kompleks, raźmieščany na miescy budynkaŭ Suśvietnaha handlovaha centra, razburanych u vyniku terarystyčnaha aktu 11 vieraśnia 2001 hoda.
Alaksandr Łukašenka ŭskłaŭ vianok da tak zvanaha «Vyžyłaha dreva» (Survivor Tree) - adzinamu žyvomu drevu, što zachavałasia na miescy teraktu, jakoje ŭ ciapierašni čas słužyć adnym z pomnikaŭ u honar achviar trahiedyi 11 vieraśnia, paviedamlaje pres-słužba.
Kiraŭnik dziaržavy taksama ŭšanavaŭ pamiać zahinułaj u vyniku teraktu hramadzianki Respubliki Biełaruś Iryny Busło, uskłaŭšy bukiet kvietak nasuprać jaje imia, vysiečanaha na adnoj z marmurovych plit miemaryjała.
26 vieraśnia Łukašenka sustreŭsia z kiraŭnikom MVF Kryścina Lahard.
«Spadarynia Lahard z zadavalnieńniem adznačyła dasiahnuty apošnim časam prahres u častcy ŭmacavańnia ekanamičnaj palityki ŭ Respublicy Biełaruś, ale pry hetym padkreśliła, što dla adnaŭleńnia stabilnaści i ŭstojlivaha rostu nieabchodnaja bolš kompleksnaja pieraaryjentacyja ekanamičnaj palityki, jakaja budzie zabiaśpiečana paśladoŭnaj padtrymkaj na samym vysokim uzroŭni. U hetaj suviazi rekamiendacyi apošnich misij MVF zastajucca ŭ vysokaj stupieni aktualnymi», — havorycca ŭ paviedamleńni pres-słužby.
Pres-słužba prezidenta Biełarusi taksama paviedamiła, što Łukašenka padziakavaŭ kiraŭnictvu Fondu za paśpiachovuju realizacyju prahramy «stend-baj» u 2009-2010 hadach (3,5 młrd dalaraŭ), jakaja dazvoliła źmiakčyć niehatyŭnyja nastupstvy vonkavaha ekanamičnaha kryzisu.
Alaksandr Łukašenka vykazaŭ nadzieju, što «ŭ novaj prahramie budzie užyty zbałansavany padychod u dačynieńni da ŭliku intaresaŭ krainy i palityki, jakaja pravodzicca dziaržavaj, pa zabieśpiačeńniu vysokaha ŭzroŭniu sacyjalnaj abaronienaści hramadzian», piša pres-słužba.
Siońnia kiraŭnik Biełarusi vystupić na plenarnym pasiadžeńni samita AAN pa ŭstojlivym raźvićci, sustreniecca z kiraŭnikom AAN Pan Hi Munam, a taksama praviadzie šerah dvuchbakovych sustreč ź lidarami roznych krain, dadaje BiełTA.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam1
Kamientary