Ułada3131

Rasijskija ŚMI: Avijabaza ŭ Babrujsku pačnie funkcyjanavać užo sa studzienia 2016 hoda

Pradstaŭniki Minabarony i MZS Rasii razam sa svaimi kalehami ź Minska pačali padrychtoŭku teksta pahadnieńnia ab rasijskaj avijacyjnaj bazie ŭ Biełarusi, padpisańnie dakumienta namiačajecca na čarhovaj sumiesnaj kalehii abaronnych viedamstvaŭ dźviuch krain, jakaja projdzie ŭžo ŭ bližejšyja tydni, piša «Niezavisimaja hazieta».

Pryčym avijabaza, pa infarmacyi vydańnia, pačnie funkcyjanavać užo sa studzienia 2016 hoda. Hetak chutkaje razhortvańnie rasijskaj avijabazy ŭ Biełarusi, krynicy haziety, razhladajuć jak mieru ŭ adkaz na mahčymaje raźmiaščeńnie Pientahonam ŭ Jeŭropie novych jadziernych uzbrajeńniaŭ.

Pa dadzienych surazmoŭcaŭ «NH», jak miarkujecca, u skład bazy akramia źniščalnaha pałka Su-27 ŭvojdzie navučalnaje źviano Su-27, a taksama eskadrylla vajenna-transpartnych viertalotaŭ Mi-8. Samu bazu buduć prykryvać zienitnyja rakietnyja kompleksy S-300U sa składu 147-j zienitnaj rakietnaj bryhady VPS i vojskaŭ SPA Uzbrojenych sił Biełarusi.

«Kolki budzie kaštavać Rasii arenda avijabazy ŭ Babrujsku, pakul nie viadoma. Ale heta nie źjaŭlajecca metaj pieramovaŭ, adznačajuć krynicy», — piša hazieta.

Jak raniej paviedamlałasia, prezident Rasii Uładzimir Pucin 19 vieraśnia rasparadziŭsia padpisać pahadnieńnie ab stvareńni rasijskaj avijabazy ŭ Biełarusi. Adpaviedny dakumient apublikavany na aficyjnym internet-partale pravavoj infarmacyi.

Pahadnieńnie ŭstanaŭlivaje paradak prymianieńnia avijabazy sumiesna z Uzbrojenymi siłami Biełarusi dla abarony dźviuch krain, uklučajučy «supraćdziejańnie ŭzbrojenaha napadu z boku mižnarodnych terarystyčnych farmiravańniaŭ». U pahadnieńni prapisany paradak raźmiaščeńnia, vykarystańnia i funkcyjanavańnia rasijskaj avijacyjnaj bazy na terytoryi Biełarusi, a taksama ŭzajemadziejańnie rasijskaha kantynhientu bazy z Uzbrojenymi siłami Biełarusi. Miesca dysłakacyi bazy nie paznačana.

Pahadnieńnie budzie dziejničać na praciahu 15 hadoŭ i aŭtamatyčna praciahvajecca na nastupnyja 5-hadovyja pieryjady — pry ŭmovie zhody rasijskaha i biełaruskaha bakoŭ.

Nahadajem, u červieni 2015 ministr abarony Biełarusi Andrej Raŭkoŭ zajaviŭ, što pytańnie ab raźmiaščeńni rasijskaj avijabazy — palityčnaje. «Pytańnie pra čas i miesca stvareńnia rasijskaj avijabazy na terytoryi Biełarusi ŭ ciapierašni čas znachodzicca ŭ palityčnaj płoskaści jaho rašeńnia», — adznačyŭ kiraŭnik biełaruskaha vajennaha viedamstva.

Ab mahčymym raźmiaščeńni avijabazy RF ŭ 2016 hodzie pad Babrujskam zajaviŭ u kastryčniku minułaha hoda hałoŭnakamandujučy VPS RF hienierał-pałkoŭnik Viktar Bondaraŭ.

Kamientary31

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy6

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy

Usie naviny →
Usie naviny

Tramp: Pucinu nie treba sustrakacca ź Zialenskim pierad sustrečaj sa mnoj2

«Uensdej» viarnułasia! Ci nie rasčaruje druhi siezon papularnaha sieryjała ad Netflix?1

Usiaho 15 chvilin chutkaj chady štodnia mohuć padoŭžyć vaša žyćcio2

U ZŠA nazvali piać mahčymych scenaryjaŭ zakančeńnia vajny va Ukrainie3

Cichanoŭski raskazaŭ, što adbyvałasia na Vaładarcy 9 žniŭnia 2020 hoda10

Z valjera zaasada ŭ Puchavickim rajonie na vačach u naviedvalnikaŭ źbiehła vaŭčyca

MARH ździviŭsia, što ŭ «Santy» ŭsio nadta dobra, i pajšoŭ tudy z pravierkami4

Drać ci tarkavać? Kapać ci vybirać? Raźbirajemsia ŭ biełaruskaj bulbie3

U pakistanskim ledaviku znajšli cieła čałavieka, jaki źnik 28 hadoŭ tamu. Jano amal nie paškodžanaje

bolš čytanych navin
bolš łajkanych navin

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy6

Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy

Hałoŭnaje
Usie naviny →

Zaŭvaha:

 

 

 

 

Zakryć Paviedamić