Dla Vašynhtona stała siurpryzam zajava irakskich uład ab supracoŭnictvie z Rasijaj, Siryjaj i Iranam u baraćbie z «Isłamskaj dziaržavaj», piša New York Times.
Adznačajecca, što ŭžo druhi raz za miesiac Rasija ździŭlaje amierykanskich čynoŭnikaŭ. U pieršy raz heta adbyłosia, kali na avijabazie ŭ siryjskaj Łatakii biez papiaredniaj damoŭlenaści źjavilisia rasijskija samaloty.
«Navat kali Złučanyja Štaty raźličvali na dypłamatyčnuju stratehiju i sprabavali zaručycca padtrymkaj Rasii dla kaapieracyi ŭ Siryi, Kreml praciahvaŭ padtrasać Bieły dom pry dapamozie adnabakovych vajennych i palityčnych krokaŭ», — vykazvajecca mierkavańnie ŭ artykule.
Žurnalisty padkreślivajuć, što ŭłady Rasiei i ZŠA hladziać pa-roznamu i na pryčyny kanfliktu ŭ Siryi, i heta jašče adna prablema, akramia mahčymych uskładnieńniaŭ pry adsutnaści kaapieracyi ŭ naniasieńni avijaŭdaraŭ pa isłamistach.
27 vieraśnia ŭłady Iraka zajavili ab supracoŭnictvie z Rasijaj i Siryjaj ŭ baraćbie ź ID, heta paćvierdziŭ i MZS.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam6
Kamientary