Švarceniehier zajaviŭ, što choča pryjechać u Biełaruś, paśla taho jak sustreŭsia ź biełaruskaj ciažkaatletkaj u majcy «Mocny prezident mocnaj krainy»
25-27 vieraśnia ŭ Madrydzie prachodziŭ tradycyjny spartyŭny fiestyval «Arnold Kłasik Jeŭropa 2015», na jakim blisnuła junaja biełaruskaja spartsmienka Alaksandra Burykina.
16-hadovaja minčanka vystupała na pamoście z najmacniejšymi spartsmienkami śvietu, adnoj ź jakich była Kimbierli Uołfard z ZŠA — siońnia jana № 1 u žanočym paŭerliftynhu. I choć Alaksandry nie ŭdałosia trapić u trojku pryzioraŭ, pry hetym jana ŭstanaviła dva rekordy Jeŭropy ŭ vahavoj katehoryi da 63 kh siarod dziaŭčat — u prysiadańni (135 kh) i ŭ sumie trochborja (347,5 kh).
Kimbierli Uołford i Alaksandra Burykina nieadnarazova zryvali škvał apładysmientaŭ — z žančyn tolki jany ŭstalavali rekordy na hetym turniry, paviedamiła pres-słužba Biełaruskaj fiederacyi paŭerliftynhu sa spasyłkaj na DSC «Biełaja Ruś».
Na ŭznaharodžańnie Alaksandra Burykina vyjšła ŭ majcy z vyjavaj Alaksandra Łukašenki i nadpisam na anhlijskaj — «Mocny prezident mocnaj krainy».
Vystupleńnie biełaruskaj spartsmienki pryciahnuła ŭvahu ŭdzielnikaŭ turniru, da jaje padychodzili fatahrafavacca, brali aŭtohrafy, intervju i z zachapleńniem vykazvalisia pra našu krainu.
27 vieraśnia da pauerliftaraŭ pryjšoŭ z pryvitańniem sam Arnold Švarcenehier.
Znakamity akcior i kulturyst vykazaŭ spartsmienam ciopłyja słovy. A prezident Mižnarodnaj fiederacyi paŭerliftynhu (IPF) Haston Paraž pradstaviŭ junuju biełaruskuju rekardsmienku Arnoldu Švarcenehieru, adznačyŭšy fantastyčnyja vyniki junaj dziaŭčyny.
Arnold pacisnuŭ Alaksandry ruku i pažadaŭ dalejšych pośpiechaŭ u sporcie
Junaja biełaruska ŭ adkaz padniesła u padarunak Švarcenehieru pamiatnuju futbołku z vyjavaj Alaksandra Łukašenki. Na što Arnold adkazaŭ, što viedaje Alaksandra Łukašenku jak mocnaha palityka i prezidenta, i što naohuł biełarusy — vielmi mocnyja ludzi. I dadaŭ, što ŭ budučyni chacieŭ by naviedać Biełaruś.
A Alaksandra Burykina atrymała ad arhanizataraŭ zaprašeńnie na «Arnold Kłasik-2016» u Amierycy i Jeŭropie.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary