U Biełarusi nie płanujecca najbližejšym časam viarnuć piensijanieram ilhoty na prajezd u hramadskim transparcie, zajaviŭ na pres-kanfierencyi 30 vieraśnia načalnik upraŭleńnia dziaržaŭnaj sacyjalnaj padtrymki nasielnictva Ministerstva pracy i sacyjalnaj abarony Anatol Ražaniec.
«Mahčyma, u pierśpiektyvie pry pierahladzie zakona ab sacyjalnych ilhotach, pravach i harantyjach hetaje pytańnie padymiecca», — nie vyklučyŭ jon.
Pry hetym Ražaniec nahadaŭ, što piensijanieram naležyć skidka 50% na prajezd u pryharadnym transparcie na dačny pieryjad — z 1 maja pa 30 vieraśnia.
Dla padtrymki «najbolš uraźlivych i majučych patrebu katehoryj hramadzian» u krainie dziejničaje sistema dziaržaŭnaj adrasnaj sacyjalnaj dapamohi. «Kali siaredniedušavy dachod čałavieka apuskajecca nižej za biudžet pražytačnaha minimumu, jon moža źviarnucca pa miescy žycharstva (u orhany sacyjalnaj abarony) dla taho, kab da jaho byli prymienienyja niejkija formy sacyjalnaj padtrymki, kali jon u ich maje patrebu», — dadaŭ pradstaŭnik Minpracy.
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary