Rejdy pa viasiellach pačaŭ pravodzić departamient kultury Hroznaha. Rašeńnie ab hetym pryniata z-za taho, što viasielli ŭ apošni čas «pačali nabyvać bolš jeŭrapiejskuju afarboŭku», paviedamlajecca na aficyjnym sajcie departamienta kultury meryi horada.
«Stała praktykavacca zapazyčańnie niekatorych abradaŭ u pradstaŭnikoŭ inšych kultur. U pryvatnaści, heta taniec niaviesty, razrazańnie torta, adnačasovy vychad u tancavalny kruh niekalkich par. Pakidaje žadać lepšaha i źniešni vyhlad haściej. Mnohija junaki i dziaŭčaty apranajucca nieprystojna ŭ stasunku da svajoj relihijnaj i nacyjanalnaj prynaležnaści», — havorycca ŭ dakumiencie.
U manitorynhavuju hrupu, jakaja pravodzić rejdy, uvajšli ludzi, «jakija źjaŭlajucca znaŭcami ŭ halinie praviadzieńnia nacyjanalnych viasiellaŭ». U bližejšy čas departamient raspracuje «aficyjnyja patrabavańni da praviadzieńnia viasiellaŭ».
Rejdy prachodziać užo dva tydni. Jak adznačajecca na sajcie departamienta kultury, restaratary i arhanizatary viasiellaŭ staviacca da rekamiendacyj viedamstva z razumieńniem.
U kancy vieraśnia kiraŭnik Čačni Ramzan Kadyraŭ zaklikaŭ uładalnikaŭ viasielnych sałonaŭ respubliki spynić realizacyju praźmierna adkrytych viasielnych sukienak. «U apošni čas u niaviest stała modnym apranać na jeŭrapiejski manier zanadta adkrytyja sukienki. Heta niapravilna i nie maje ničoha ahulnaha z čačenskaj kulturaj. Nieabchodna rabić usio dla taho, kab zachavać narodnyja tradycyi i zvyčai», — skazaŭ Kadyraŭ na naradzie z kiraŭnikami rajonaŭ.
Jon taksama zaklikaŭ viasielnyja sałony pierachodzić na prodaž nacyjanalnych viasielnych uboraŭ.
Ciapier čytajuć
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma2
Kamientary