U interviju Bi-bi-si były supracoŭnik Ahienctva nacyjanalnaj biaśpieki ZŠA Edvard Snoŭden pryznaŭsia, što zarabiŭ šmat hrošaj, što rasiejskija specsłužby vychodzili na kantakt ź im u Maskvie, adnak jon śćviardžaje, što nie zaklučaŭ ździełak z FSB i nie raspavioŭ im bolš za toje, što ŭžo viadoma žurnalistam.
Na pytańnie ab tym, ci spakojna jon śpić unačy, Snoŭden adkazaŭ, što čałaviek, na jakoha idzie palavańnie, žyvie tolki siońniašnim dniom.
Snoŭden taksama raspavioŭ ab mahčymaściach brytanskich specsłužbaŭ, jakija zdolnyja sačyć za ludźmi pry dapamozie ich mabilnych telefonaŭ, i karystalniki smartfonaŭ amal nijak nia mohuć pieraškodzić specsłužbam atrymać poŭny kantrol nad ich pryładami.
Snoŭden skazaŭ, što brytanskaje Ŭpraŭleńnie ŭradavaj suviazi (GCHQ) moža ŭzłomvać telefony biaź viedama ich uładalnikaŭ.
Pavodle jaho, specsłužby karystajucca admysłovym «kamplektam smurfaŭ» — kodavy nazoŭ instrumentaŭ sačeńnia, dadzieny im u honar multyplikacyjnych persanažaŭ.
Snoŭden taksama zajaviŭ, što hatovy sieści ŭ turmu, kab viarnucca ŭ ZŠA.
«Ja zhodny pajści ŭ turmu, i kazaŭ pra heta uradu šmat razoŭ, — skazaŭ Snoŭden. — Čaho ja nie chaču, dyk heta stać strymlivajučym faktaram dla ludziej, jakija sprabujuć pastupać pravilna ŭ ciažkich sytuacyjach».
Snoŭden skazaŭ, što jašče čakaje adkazu ad ministerstva justycyi ZŠA na svaju prapanovu.
Raniej sioleta były hieneralny prakuror ZŠA Eryk Chołder dapuściŭ mahčymaść zaklučeńnia sa Snoŭdenam ździełki ab pryznańni viny.
U ZŠA Snoŭdenu pradjaŭlenyja niekalki surjoznych abvinavačvańniaŭ, što pahražaje jamu 30 hadami ŭ turmie.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary