У інтэрвію Бі-бі-сі былы супрацоўнік Агенцтва нацыянальнай бясьпекі ЗША Эдвард Сноўдэн прызнаўся, што зарабіў шмат грошай, што расейскія спэцслужбы выходзілі на кантакт зь ім у Маскве, аднак ён сьцьвярджае, што не заключаў зьдзелак з ФСБ і не распавёў ім больш за тое, што ўжо вядома журналістам.
На пытаньне аб тым, ці спакойна ён сьпіць уначы, Сноўдэн адказаў, што чалавек, на якога ідзе паляваньне, жыве толькі сёньняшнім днём.
Сноўдэн таксама распавёў аб магчымасьцях брытанскіх спэцслужбаў, якія здольныя сачыць за людзьмі пры дапамозе іх мабільных тэлефонаў, і карыстальнікі смартфонаў амаль ніяк ня могуць перашкодзіць спэцслужбам атрымаць поўны кантроль над іх прыладамі.
Сноўдэн сказаў, што брытанскае Ўпраўленьне ўрадавай сувязі (GCHQ) можа ўзломваць тэлефоны бязь ведама іх уладальнікаў.
Паводле яго, спэцслужбы карыстаюцца адмысловым «камплектам смурфаў» — кодавы назоў інструмэнтаў сачэньня, дадзены ім у гонар мультыплікацыйных пэрсанажаў.
Сноўдэн таксама заявіў, што гатовы сесьці ў турму, каб вярнуцца ў ЗША.
«Я згодны пайсьці ў турму, і казаў пра гэта ураду шмат разоў, — сказаў Сноўдэн. — Чаго я не хачу, дык гэта стаць стрымліваючым фактарам для людзей, якія спрабуюць паступаць правільна ў цяжкіх сытуацыях».
Сноўдэн сказаў, што яшчэ чакае адказу ад міністэрства юстыцыі ЗША на сваю прапанову.
Раней сёлета былы генэральны пракурор ЗША Эрык Холдэр дапусьціў магчымасьць заключэньня са Сноўдэнам зьдзелкі аб прызнаньні віны.
У ЗША Сноўдэну прад’яўленыя некалькі сур’ёзных абвінавачваньняў, што пагражае яму 30 гадамі ў турме.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары